Z islomov, D. Rahimjonov, J. Najmiddinov

BEKKEMLEW  USHÍN 
SORAW  HÁM  TAPSÍRMALAR
1.  Diniy  ksenofobiyanıń  kelip  shıǵıwına  qanday  faktorlar  sebep  boladı?
2.  Islamofobiyanıń  mánáwiyatına  qáwip  barma?  Pikirińizdi  dálilleń.
3.  Islam  dininiń  iygilikli  isleri  haqqında  pikir  bildiriń.

---

100
DÚNYA DINLERINDE 
TÍNÍSHLÍQ IDEYASÍ
21-§
AKTIVLESTIRIW  USHÍN 
SORAW  HÁM  TAPSÍRMALAR
1.  «Bir  kún  urıs-jánjel  bolǵan  jerden  qırq  kún  bereket  ketedi»  degen 
hikmetli  gáptiń  mánisin  bilesiz  be?
2.  Urıs  hám  buzǵınshılıq  qanday  aqıbetlerge  alıp  keliwi  haqqında  oylap 
kóriń.
3.  Tınıshlıqtı  saqlawda  hárbirimizdiń  juwapkershiligimiz  nede  dep  oy-
laysız?
Ilim-pán,  mádeniyat,  ekonomika  hám  basqa  bar-
lıq  tarawlardıń  rawajlanıwı  tınıshlıq,  paraxatshılıq 
penen  baylanıslı.  Sol  sebepli  de  búgingi  kúnde 
qáwipsizlik  pútkil  dúnyada  eń  global  másele  bolıp 
qalmaqta.  Jıl  sayın  mámleketler  tárepinen  qorǵanıw 
sisteması  hám  áskeriy  tarawǵa  ajıratılıp  atırǵan  ǵáre-
jetlerdiń  artıp  barıwı  pikirimizdi  tastıyıqlaydı.  Biraq, 
tek  ǵana  zamanagóy  qural-jaraqqa  iye  bolıwdıń  ózi 
ǵana  tınıshlıqtı  támiyinlemeydi.  Sebebi,  zamanagóy 
buzǵınshı  kúshler  ashıqtan-ashıq  urıs  etpey,  bálki 
tosattan  qoparıwshılıq  ámeliyatın  qollaw,  áskeriyler 
emes  bálki  tınısh  xalıqtı  nıshanǵa  alıw  usaǵan  ja-
ramsız  usıllardan  paydalanbaqta.  XX  ásirdiń  ekinshi 
yarımında  dúnyada  300  den  artıq  tınıshlıqqa  qáwip 
salıwshı  kelispewshilikler  bolǵanlıǵı  da  ashınarlı  jaǵ-
day.
Hárqanday  din  óziniń  dawamshıların  tınıshlıq 
hám  insanıylıqqa  shaqıradı.  Heshbir  din  nahaq  qan