Z ibodullayev

Valproatlar.  Valproatlar  (depakin,  konvuleks)  epilepsiyaning 
deyarli  barcha  turlarida  samarali  dorivor vositadir.  Shuning  uchun 
ham vrach  bem orda  epilepsiya  diagnozini  aniqlasa-yu,  biroq  uning 
turini aniqlashda va antikonvulsantlar tanlashda qiynalsa,  davolashni 
valproatlardan boshlashi  mumkin. Valproatlar epilepsiyada kuzatila­
digan  ruhiy  buzilishlarni  bartaraf  etishda  ham  samarali  vositadir. 
Valproatlarga  m one’lik  qiluvchi  holatlarni  aniqlab  olgach,  ularni 
kam  miqdorda tavsiya qilib,  davolashni boshlash  lozim.  Valproatlar 
ichida  depakin  eng ko‘p  tavsiya qilinadigan  dorivor vositadir.
Depakin  ovqat  mahalida  ichiladi.  Valproatlarni  kam  miqdorda 
boshlab,  ularning  dozasini  har  3  kunda  oshirib,  borish  dorining 
ortiqcha sedativ ta’sirini kamaytiradi.  M a’lumki, antikonvulsantlaming 
sedativ  ta ’siri  dastlabki  kunlari  yaqqol  ifodalangan  bo‘ladi.  Dastlab, 
dorini  kechqurun  ichish  tavsiya  qilinadi,  keyin  kunduz  kuni,  undan 
keyin  esa,  ertalab  buyuriladi.  D orining  dozasi  ham   kechqurun 
beriladigani  hisobiga  oshiriladi.  Iloji  boricha,  dorini  ertalab  va 
kechqurun  tavsiya  qilish  zarur  va  kechqurungi  doza  eratlabkisi- 
dan  yuqori  bo'lishi  kerak.  Tutqanoq  xurujlari  butunlay  to ‘xtagan- 
dan  keyin  dorining  terapevtik  dozasini  aniqlab  olib  belgilangan 
miqdorda  davom  ettirish  kerak.  Dorining  dozasi  asossiz  ravishda 
ko‘tarilmasligi  kerak.  Tutqanoq  xurujlarini  kam  miqdordagi  anti­
konvulsantlar bilan to ‘xtatishga erishilsa, ular faqat kechqurun tavsiya 
qilingani  m a’qul.  Bunday paytlarda,  ta’siri uzoq davom etuvchi anti­
konvulsantlar  buyuriladi,  masalan,  depakin  xrono  va  h.k.  Depakin 
o ‘tkir  va  surunkali  gepatitlarda,  pankreatitlarda,  trombotsitopeniya, 
gemorragik diatez, porfiriya holatlarida buyurilmaydi. Depakinni tavsiya 
qilish  sxemasi  6-jadvalda keltirilgan.
www.ziyouz.com kutubxonasi

---