Юқумсиз касалликларда гўшт ва ички органларни в с. э. Режа: Овқат хазим қилиш органлари касалликлари в с. э. Жигар ва қорин пардаси касалликлари в с. э

Травматик ретикулит

Ҳайвонларда касаллик уларни ошхона қолдиқлари, суяк уни, қавочоқ ва пахта заводи чиқиндилари билан озиқалантиришда ўткир металл жисимларни ютиб юборишидан турқорин деворини шикасланиши натижасида келиб чиқади. Ўткир жисим тур қоринни шиллиқ қобиғини,мускул қаватини ва сероз қопламасини жарохатлайди. Баъзи ҳолларда диафрагмани тешиб ўтиб юрак халтачасига ва мускулига тегиб жарохатлайди.

Белгилари-касал ҳайвон кам харакатчан бўлиб, кўпинча букчайган ҳолда туради. Бўйнини олдинга чузиб, олдинги оёқларни қорнига яқинроқ қуяди, ўрнидан туришда эса отга ўхшаб олдин гавдани олд қисмини кўтаради. Гавда мускулари қалтирайди, бўйинтуруқ венасини кўтарилиши, кўкрак ва жағ остида шишларнинг пайдо бўлиши травматик перикардит ривожланганлигидан далолат беради.
Патологоанатомик ўзгаришлар-турқорин деворида йирингли яллиғланиш, фиброз тўқималарни ўсиши, диафрагма ва юрак халтачасида яллиғланишлар кўзатилади.
Гўшт ва ички органларни ветеринария санитария жиҳатидан баҳолаш
Овқат ҳазим қилиш органлари касалликлари сабабли мажбурий сўйилган моллардан олинган, гўшт ва ички органлар маҳсулотларини озиқ-овқат учун ишлатиш, фақат бактериологик текшириш натижаларига асосланган ҳолда рўхсат берилиши лозим.
Мажбурий суйилган ҳайвонлар тана гўшти ёмон қонсизланган бўлиб, бундай гўштни, исътемолга яроқли деб топилган бўлса, бундай гўшт ўзоқ муддат сақланмаслиги туфайли, тезликда истеъмолга чиқарилиши шарт. Мажбурий сўйилган ҳайвонлардан олинган паренхиматоз органлар ( жигар,ўпка,буйрак) улар ҳамиша турли микроорганизимлар билан зарарланиши туфайли техник ўтилизатцияга жунатилиши лозим.
Агар овқат-ҳазим қилиш органлари тули қишлоқхужалигида ишлатиладиган заҳарли химикатлар билан зарарланган бўлса, ҳайвонларни мажбурий сўйиш, зарарлангандан 2 сутка ичида амалга оширилганда олинган гўшт бактериологик текширишлар натижасига асосланган ҳолда ишлатишга рўхсат этилади. Ички органлар эса техник ўтилизатцияга ёки юқотилишга жунатилади.
Мажбурий сўйилган ҳайвонларда, қонли ич кетиш, ахлатида ичак шиллиқ қавати парчалари ва сассиқ хид белгилари бўлган вақтда амалга оширилган бўлса, унда олинган гўшт ва ички органлар техник ўтилизатция ёки юқотишга юборилади.
Агар травматик ретикулит билан сўйилган ҳайвон ҳарорати сўйишдан олдин нормада бўлган бўлса олинган гўшт ва ички органлар бактериологик текшириш натижаларидан сўнг озиқ-овқат учун рўхсат берилади.