Юсупов Дилшодбек Абдулхаевичнинг дастури

Насриддинобод маҳалла фукаролар йиғинига номзоди қўйилган
Юсупов Дилшодбек Абдулхаевичнинг
ДАСТУРИ
Президентимизнинг бу йил Олий Мажлисга йўллаган Мурожаатномасида маҳалла тизимининг жамият ижтимоий-маънавий тараққиётидаги ўрнини янада мустаҳкамлаш, соҳа фаолиятини чуқур ислоҳ этиш мақсадида бутунлай янги мезон — “Обод ва хавфсиз маҳалла” тамойили илгари сурилди.
Қолаверса, давлатимиз раҳбарининг шу йил 18 февралдаги “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги фармони асосида мамлакатимизда оилалар ва маҳаллаларда ижтимоий-маънавий муҳитни барқарорлаштириш, “Обод маҳалла — хавфсиз маҳалла” тамойилини амалга татбиқ этишга қаратилган янги тузилма — Маҳалла ва оилани қўллаб-қувватлаш вазирлигининг ташкил этилиши бу борадаги саъй-ҳаракатларга янгича мазмун бахш этди.
Президентимизнинг юритаётган сиёсатидан келиб чиқиб мен хам ўз дастуримни ишлаб чикдим унда қуйидагиларни назарда тутганман:
Бундан буён давлат ташкилотлари вакиллари ҳамда вилоят ва тумандаги маҳаллий раҳбарлар маҳалла раислари билан бирга маҳаллада ишлаши, фуқаролар йиғини раиси ва унинг ўринбосарларига кўмакчи бўлиши, “маҳалла раиси — ислоҳотчи” тамойили асосида ижтимоий муаммоларни ҳал қилиш бўйича янги тизим жорий этилишига алоҳида урғу берилди.
Шу боис:

1. 
   Давлат ташкилотлари билан ҳамкорликни йўлга қўйиш;
   
2. 
   Маҳалланинг ҳар бир кўчасига, хар бир хонадонига кириб бориш;
   
3. 
   Халқ дардини менинг дардим деб эшитиш;
   
4. 
   Маҳалламиз қишлоқ хўжалиги маҳсулотлари етиштиришга ихтисослашган маҳалла бўлгани сабаб, ҳар битта хонадонга иссиқхоналарни бўлишини ташкил этиш;
   
5. 
   «Темир дафтар», «Аёллар дафтари», «Ёшлар дафтари» юритилиши ҳаққонийлигини шахсан назорат қилиб бориш;
   
6. 
   Муаммоларни қуйидан юқорига қараб бартараф қилиш чораларини кўриб бориш;
   
7. 
   Маҳалламизни тез фурсатларда обод маҳаллалар қаторига қўшиш чораларини кўриш;
   
8. 
   Маҳаллада тадбиркорликни ва ўз-ўзини банд қилиш чора-тадбирларини ишлаб чиқиш;
   
9. 
   Аҳоли мурожаатларини эътиборсиз қолдирмаслик;
   
10. 
    Аҳоли ўртасида соғлом турмушни шакллантириш мақсадида КВП ходимлари билан доимий алоқани йўлга қўйиш.
    

Давлатимиз раҳбари белгилаб берган топшириқ ҳамда вазифаларнинг ҳаётга тўла татбиқ этилиши натижасида маҳалла тизимини ҳар томонлама ривожлантириш, аҳоли мурожаатлари билан ишлаш, одамлар дардини тинглаш, тизимдаги мавжуд муаммоларга ечим топиш, оилавий ажримлар ва жиноятчиликнинг олдини олиш ҳамда аҳоли бандлигини таъминлаш каби муҳим вазифаларни тўла-тўкис бажариш, соҳада меҳнат қилаётган фидойи ходимларга зарур шарт-шароитлар яратишга, албатта, эришилади.