Халқ талими тизимида мавжуд айрим муаммоларга оид

Халқ талими тизимида мавжуд айрим муаммоларга оид
Олинган маълумотлар таҳлили Халқ таълими тизимида олий маълумотли педагок кадрларни етишмаётганлигини кўрсатмоқда.
Хусусан, 2021 йилнинг август ойи ҳолатига кўра, Халқ таълими тизимидаги жами 385,3 минг нафар педагог ходимларнинг 65-70 минг нафарини ўрта-махсус маълумотли ўқитувчилар ташкил этмоқда.
Бу борада хозирда мамлакатдаги жами бошланғич синф ўқитувчиларининг 64 005 нафари олий маълумотли, 46 989 нафари ўрта махсус маълумотли педагоглардир.


Ўз навбатида мазкур вазият таълим сифатига таъсир ўтказмоқда.
Жумладан, умумтаълим муассасаларида дарс бераётган аксарият ўқитувчилар малакаси юзасидан Тошкент шаҳри ва Навоий вилоятининг айрим ҳудудларида 120 нафар респондентлар билан ўтказилган ижтимоий сўров давомида аксарият ота-оналар: “мактабда дарс бераётган ўқитувчиларнинг малакаси талабга жавоб бермайди”- дея таъкидлаганлар.
Бундан ташқари, Кашкадарё, Сурхондарё ва Хоразм вилоятларида
ота-оналар кенгаши раислари томонидан айнан педагогика колледжи битирувчиларининг дарс бераётганлиги яширин камералардан тасвирга олиниб, ижтимоий тармоқларга жойлаштирилган.
Ваҳоланки, Ўрта махсус касб-хунар таълими маркази ва Давлат тест марказининг 2009 йил 15 январдаги 1-11-02/ққ-сонли қўшма қарори қабул қилиниб, касб-хунар коллежи битирувчиларини ўқитувчилик лавозимига вақтинча қабул қилиш қатъиян ман этилган.