Юридик масалалар бўйича

Омонатга фоиз тўлаш тартибини тушунтириб беринг?

Банк томонидан омонатлар бўйича фоизлар ҳисоблаш Тижорат банкларида фоизларни ҳисоблаш тўғрисидаги низом (рўйхат рақами 1306, 2004 йил 30 январь) асосида амалга оширилади.
Омонатларга тўланадиган фоиз ставкалари даражаси банк томонидан қонун ҳужжатлари талаблари доирасида белгиланади.
Агар банк омонати шартномасида бошқача тартиб назарда тутилган бўлмаса, банк талаб қилиб олингунча сақланадиган омонатларга тўланадиган фоизлар миқдорини ўзгартириш ҳуқуқига эга.
Жамғарма ва муддатли омонатлар бўйича банк омонати шартномасида белгиланган фоизлар миқдори, агар шартномада бошқача тартиб белгиланган бўлмаса, банк томонидан бир томонлама камайтирилиши мумкин эмас.
Банк омонати суммасига фоизлар омонат банкка тушган куннинг эртасидан бошлаб, то у омонатчига қайтарилган ёки бошқа асосларга кўра омонатчининг ҳисобварағидан ўчирилган кундан олдинги кунгача ҳисобланади. Омонатчининг ҳисобварағи хатланганлиги оқибатида банк ушбу ҳисобварақдаги маблағлардан фойдалана олмаган бўлса, ушбу давр учун фоизлар ҳисобламайди.

11. 
    “Омонат дафтарчаси” қандай хужжат хисобланади?
    

Омонат дафтарчаси банк томонидан омонат бўйича бажарилган операцияларни омонатчига ёзма равишда тасдиқловчи ва омонат бўйича олинган мажбуриятларни кафолатловчи ҳужжат ҳисобланади.

12. 
    Омонатларга "ҳаракатсиз омонатлар" мақомини бериш юзасидан амалга ошириладиган амалиётлар тартибини тушунтириб беринг?
    

Масъул ходим ва сўнгги назоратчи ҳар ой якуни бўйича барча "ҳаракатсиз омонатлар" мақомига мос бўлган шахсий ҳисобварақларни саралаб чиқади ва уларнинг рўйхатини тузади.
Масъул ходим томонидан:
1) ҳаракатсиз омонат ҳисобварақлари бўйича операциялар бажарилмаслиги учун омонатчи келгунга қадар дастурда тақиқ қўйилади;
2) барча ҳаракатсиз омонат ҳисобварақлари дастурда алоҳида гуруҳ сифатида жамланади ҳамда масъул ходимга бириктирилади.
Ҳар ой якуни бўйича"ҳаракатсиз омонатлар" бўйича тузилган рўйхатга асосан бирламчи ҳужжатларни омонат бўйича масъул ходим томонидан бириктирилган назоратчига топширади.
Дастурда "ҳаракатсиз омонатлар" мақомига мос бўлган ҳисобвағларида операциялар бажариш тақиқланади. Ҳаракатсиз омонатлар бўйича операцияларни амалга ошириш омонатчи томонидан тўлиқ ёки қисман талаб қилинганда, банк бошқарувчиси номига ҳаракатсиз омонат ҳисобварағини тиклаш бўйича ёзма ариза тақдим қилинади.
Ҳаракатсиз омонат ҳисобварағи бўйича барча операциялар омонатчи ёки унинг қонуний вакилининг шахсини тасдиқловчи ҳужжати текширилган ҳолда аризасига асосан амалга оширилади.

13.