Юридик масалалар бўйича

Банкоматлардаги нақд пуллар қолдиғини банк кассасига қайтариш тартибини тушунтириб беринг?

Банкоматлардаги нақд пуллар қолдиғини банк кассасига қайтариш, банк раҳбарининг кўрсатмасига асосан амалга оширилади. Бунда, банкоматларга техник хизмат кўрсатувчи банк ходими, касса ходими иштирокида банкоматдаги нақд пуллар қолдиғини акс эттирувчи слипни чоп эттиради ва уни касса ходимига топширади. Касса ходими банкоматнинг сейф қисмини, банкоматларга техник хизмат кўрсатувчи ходимнинг назорати остида очиб, ундаги кассеталарни олади ҳамда банкка олиб боради.
Бухгалтерия бўлими масъул ходими чоп этилган слипдаги маълумотлар асосида банкоматдан олиб келинган нақд пуллар қолдиғини банкоматдан чиқим қилиш бўйича чиқим касса ордерини ҳамда банкоматдан олиб келинган нақд пуллар қолдиғини айланма кассага кирим қилиш учун кирим касса ордерини расмийлаштириб, тегишли бухгалтерия ўтказмаларини амалга оширади. Шундан сўнг, расмийлаштирилган чиқим ва кирим касса ордерини кунлик касса ҳужжатларига тикиш учун касса мудирига топширади.
Касса ходими касса мудири иштирокида кассеталардаги пломбаларни очиб, нақд пуллар қолдиғини касса мудирига санаб ва кирим касса ордерига имзо қўйдирган ҳолда топширади. Касса мудири кассирдан қабул қилиб олган нақд пуллар қолдиғини, слипда қайд этилган нақд пуллар қолдиғи билан таққослаб кўради. Шундан сўнг, чиқим касса ордерини ҳамда нақд пуллар қолдиғи акс эттирилган слипни кирим касса ордерига илова қилган ҳолда кунлик касса ҳужжатларига тикиш учун олиб қўяди.

5. 
   Пул омборида қимматликлар қандай тартибда сақланади?
   

а)айланма касса ва захира фондларинингнақд пуллари;
б) мижозларга бериш учун олдиндан тайёрлаб қўйилган нақд пуллар;
в) эскирган ва тўловга яроқсиз тоифаларига ажратилган пуллар;
г) чет эл валюта (чет эл валютасидаги чеклар) лари;
д) ва бошқа қимматликлар алоҳида сақланиши лозим.

6. 
   Касса мудири иш жараёнида қандай касса китобларидан фойдаланади?
   

Касса мудири иш жараёнида 155, 120, 171, 121, 141а, 161, 123- сонли касса китобларидан фойдаланади.