Юридик масалалар бўйича

Банкнинг чакана амалиёт кассасидаги нақд пуллар ҳисоби банк балансининг қайси ҳисобварағида юритилади?

Банкнинг чакана амалиёт кассасидаги нақд пуллар ҳисоби 10111 - "Банк биносида жойлашмаган амалиёт (операцион) кассалардаги нақд пуллар" ҳисобварағида, валюта айирбошлаш амалиётларини бажариш учун ажратилган нақд миллий ва хорижий валюталарнинг ҳисоби эса 10103 - "Пул алмаштириш шохобчаларидаги нақд пуллар" ҳисобварағида юритилади.

18. 
    Хўжалик юритувчи субъект ҳузурида банк кассалари ташкил этиш тартиби қандай?
    

Банк томонидан хўжалик юритувчи субъект мурожаатига асосан томонлар ўртасида тузилган шартномага кўра, хўжалик юритувчи субъектнинг ҳузурида белгиланган тартибда банк кассалари ташкил этилиши мумкин. Бунда, ушбу ташкил этилган кассаларда қандай касса хизматларини кўрсатилиши, банк ва хўжалик юритувчи субъект ўртасида имзоланган шартномага асосан белгилаб олинади.

19. 
    Банк кассирлари томонидан ўраб-боғланган банкнот ва тангалар қайта саналмаган ҳолда пул омборида қанча муддатгача сақланиши мумкин?
    

Банк кассирлари томонидан ўраб-боғланган банкнот ва тангалар қайта саналмаган ҳолда пул омборида икки йилгача сақланиши мумкин.

20. 
    Чакана амалиётлар кассалари (хусусан, валюта айирбошлаш шохобчалари ва бошқа кассалар) дам олиш, байрам кунлари фаолият юритса, уларга ушбу кунлари мадад пулларини бериш тартибини тушунтириб беринг?
    

Чакана амалиётлар кассалари (хусусан, валюта айирбошлаш шохобчалари ва бошқа кассалар) дам олиш, байрам кунлари фаолият юритса, уларга ушбу кунлари мадад пулларини бериш, банкнинг кечки кассаси орқали амалга оширилади.
Бунда, дам олиш ёки байрам кунларидан олдинги охирги банк иш кунида, дам олиш ва байрам кунлари фаолият юритадиган кассаларнинг ходимлари томонидан ушбу кунларда чиқим қилиш учун керак бўладиган нақд пулларни (мадад пулларини) ва бошқа қимматликларни олиш бўйича берилган буюртманома банк раҳбарининг тегишли кўрсатмаси билан бухгалтерия бўлими ходимларига ижро учун берилади.
Бухгалтерия бўлими ходими дам олиш ва байрам кунлари фаолият юритадиган ҳар бир касса бўйича алоҳида чиқим касса ордерини (қатъий ҳисобда турувчи бланклар бўйича эса тегишли кўзда тутилмаган ҳолатлар ҳисобварағи бўйича чиқим касса ордерини) расмийлаштириб, тегишли бухгалтерия ўтказмаларини амалга оширади ва ушбу чиқим касса ҳужжатларини касса мудирига топширади.

21.