Юридик масалалар бўйича

ЭМИССИЯ-КАССА ОПЕРАЦИЯЛАРИ БЎЙИЧА (3028)

1. 
   Банкда нақд пул ва бошқа қимматликларнинг бут сақланаётганлигини тафтиш қилиш ҳамда бажарилган касса операцияларини текширишқандай ҳолларда ҳамда қандай муддатларда амалга оширилади?
   

Банкданақд пул ва бошқа қимматликларнинг бут сақланаётганлигини тафтиш қилиш қуйидаги ҳолларда амалга оширилиши лозим:
а) банк раҳбарининг тегишли буйруғига асосан:
ҳар йилнинг 1 январь ҳолатига кўра;
ҳар чоракда камида бир марта тўсатдан;
бош бухгалтер ёки касса мудири алмашаётганида ёхуд вақтинча алмашаётганида.
б) Бош банк буйруғига асосан банк раҳбари алмашаётганида ёки вақтинча алмашаётганида.
Шунингдек, бошқа ҳолларда Марказий банк ёки Бош банк (тижорат банкининг Қорақалпоғистон Республикаси, вилоят ёки Тошкент шаҳар филиали) фармойишлари асосида ҳам банкдаги нақд пул ва бошқа қимматликлар тафтиш қилиниши, бажарилган касса операциялари текширилиши мумкин.

2. 
   Банк Касса тармоғида ташкил этиладиган “Инкасса хонаси”ни тарифлаб беринг?
   

инкасса хонаси - нақд пул тушумлари солинган ва белгиланган тартибда пломбаланган сумкани (қопни) бевосита мижоздан қабул қилиб олиш учун мўлжалланган хона. (АВ 23.01.2019 й. 3028-1-сон билан рўйхатга олинган МБ Бошқарувининг Қарорига мувофиқ киритилган хатбоши)
Банк касса тармоғида инкасса хонаси алоҳида ёки иш ҳажмидан келиб чиққан ҳолда кирим, чиқим кассаларида ёки мижозларга касса хизмати кўрсатиладиган бошқа касса хоналарида ташкил этилади.

3. 
   Банкоматни нақд пуллар билан таъминлаш тартибини тушунтириб беринг?
   

Банк раҳбарининг кўрсатмасига асосан бухгалтерия бўлими ходими банкоматни нақд пул билан таъминлаш учун чиқим касса ордерини расмийлаштириб, тегишли бухгалтерия ўтказмасини амалга оширади. Шундан сўнг, ушбу чиқим касса ордерини касса мудирига топширади.
Касса мудири чиқим касса ордерида қайд этилган нақд пуллар суммасини, банкоматларни нақд пуллар билан таъминлаш учун масъул бўлган касса ходимига, чиқим касса ордерига қўл қўйдирган ҳолда топширади. Касса ходими қабул қилиб олган нақд пулларини белгиланган тартибда банкоматнинг кассеталарига жойлайди ва уларни ўзининг пломбири билан пломбалайди.

4.