Юридик масалалар бўйича

Олий ўқув юртларида тўлов-контракт асосида ўқиш учун таълим кредитлари қандай имтиёзли фоиз ставкаларида ажратилади?

Ўзбекистон Республикаси Вазирлар Маҳкамасининг 2001 йил
26 июлдаги 318-cонли Қарори билан тасдиқланган “Олий ўқув юртларида тўлов-контракт асосида ўқиш учун таълим кредитлари бериш тўғрисида”ги Низом асосида тижорат банклари томонидан бериладиган таълим кредитлари бўйича:
чин етимларга, “Меҳрибонлик уйлари”да тарбияланганларга ҳамда болаликдан I ва II гуруҳ ногиронларига ноль фоиз ставкаси (фоизсиз кредит);
талабаларнинг қолган тоифаларига Ўзбекистон Республикаси Марказий банкининг амалдаги қайта молиялаш ставкасидан юқори бўлмаган ўзгарувчи фоиз ставкалари белгиланади.
Таълим кредитлари бўйича фоиз ставкаси ва тижорат банклари томонидан қўшиладиган фоизлар учун тўловлар миқдори Марказий банкнинг қайта молиялаш ставкаси ўзгаришига қараб ўзгариши мумкин, бу кредит шартномасида қайд этилиши керак.
Кам таъминланган оилалардан бўлган талабалар учун кредит бўйича қўшилган фоизларнинг 50 фоизи туман Бандликка кўмаклашиш марказлари томонидан Иш билан таъминлашга кўмаклашиш давлат жамғармаси маблағларидан тўланади.

13. 
    Кредитларнинг қайтарилиши қандай таъминланади?
    

Банклар қонун ҳужжатларига мувофиқ кўчар ва кўчмас мулкни гаровга қўйиш, кафолат бериш, кафиллик олиш, суғурта полиси ва бошқа мажбуриятлар асосида кредит берадилар (Банклар ва банк фаолияти тўғрисидаги Қонун, 34-модда).

14. 
    Банкда кредитлар бўйича қарор қабул қилиш қайси боскичда амалга оширилади:
    

Банкда кредитлар бўйича қарор қабул қилиш қуйидаги босқичларда амалга оиширилади:
1-босқич филиал кредит комиссияси;
2-босқич Бош банк кредит қўмитаси;
3-босқич Банк бошқаруви;
4-босқич Банк кенгаши;
5-босқич Банк акциядорларнинг умумий йиғилиши.

15. 
    Банк активлари кайси тоифалар бўйича таснифланади ва уларга мос захиралар микдори канча?
    

Тижорат банкларининг активлари сифатига кўра “стандарт”, “субстандарт” – 10%, “қониқарсиз” – 25%, “шубҳали” – 50% ва “умидсиз” – 100% тоифаларга таснифланади.

16.