Юридик масалалар бўйича

Қарз ва кредит ўртасидаги фарқ қандай?

Кредит фақат банклар ва кредит ташкилотлари томонидан, қайтариш ва фоизлар тўлаш шарти асосида пул шаклида берилади. Қарз эса бошқа юридик ва жисмоний шахслар томонидан берилиб, пул ва ашёларни олинган миқдорда қайтариб бериш шарти асосида берилиши мумкин бўлиб, бунда фоиз ҳам олиниши мумкин (Фуқаролик кодексининг 732 ва 744-моддалари).

10. 
    Лизинг тушунчаси нима?
    

Лизинг - молиявий ижаранинг алоҳида тури бўлиб, унда бир тараф (лизинг берувчи) иккинчи тарафнинг (лизинг олувчининг) топшириғига биноан учинчи тарафдан (сотувчидан) лизинг шартномасида шартлашилган мол-мулкни (лизинг объектини) мулк қилиб олади ва уни лизинг олувчига шу шартномада белгиланган шартларда ҳақ эвазига эгалик қилиш ва фойдаланиш учун ўн икки ойдан ортиқ муддатга беради. (Лизинг тўғрисидаги Қонун 2-моддаси).

11. 
    Марказий банк томонидан тижорат банкларининг кредит сиёсатига қандай талаблар қўйилган?
    

Тижорат банклари кредит сиёсати алоҳида ҳужжат сифатида ишлаб чиқарилади ва банк Кенгаши томонидан ҳисобот йилининг 1 февралига қадар тасдиқланади.
Банкнинг кредит сиёсати - кредитлаш жараёнида юзага келувчи таваккалчиликни бошқаришда банк раҳбарияти томонидан қабул қилинадиган чоралар ва услубларни белгиловчи ҳамда банк раҳбарияти ва ходимларини кредитлар портфелини самарали бошқаришга доир кўрсатмалар билан таъминловчи ҳужжатдир. Кредит сиёсати банкнинг кредит фаолияти мақсадларини аниқ кўрсатиши ва аниқлаб бериши шарт. Талаблар қуйидагилардан иборат:

1. 
   Кредит сиёсатининг мақсади ва стратегияси
   
2. 
   Ваколатлар даражаси ва масъулиятни тақсимлаш
   
3. 
   Кредит турлари
   
4. 
   Кредитларнинг тўпланиши
   
5. 
   Кредитларни тўлаш
   
6. 
   Қарздорларга доир молиявий ахборот
   
7. 
   Гаров таъминотига нисбатан қўйиладиган талаблар
   
8. 
   Кредит мониторингига нисбатан қўйиладиган талаблар
   
9. 
   Фоиз ставкалари
   
10. 
    Боғлиқ шахслар билан бажариладиган операциялар
    
11. 
    Кўзда тутилмаган ҳолатлар моддалари (балансдан ташқари моддалар)
    
12. 
    Кредит портфелини аудит қилиш
    
13. 
    Банк Бошқаруви ва Кенгашига тақдим этиладиган ҳисоботлар.
    

12.