Yuk tashish korxonalarida tashish ishlari o'quv amaliyotidan o'quv-uslubiy qo'llanma

Harakat xavfsizligini ta’minlash bo‘yicha jamoat
tashkilotlarining ishini tashkil qilish
Harakat xavfsizligini ta’minlashda jamoat tashkilotlarining komissiyalari muhim o‘rin tutadi.
Jamoat komissiyalarining asosiy vazifasi harakat xavfsizligini ta’minlashga qaratilgan tadbirlarni amalga oshirishda ATX ma’muriyatiga yaqindan yordam berishdan iborat bo‘ladi.
Komissiya a’zolari ATX jamoasining yig‘ilishida saylanadi va avvaldan ishlab chiqilgan reja asosida ish olib boradilar.
Komissiya a’zolarining vazifalariga quyidagilarni nazorat qilish kiradi:

• 
  haydovchilar tomonidan harakat xavfsizligi bo‘yicha me’yoriy hujjatlar talablarining bajarilishini nazorat qilish;
  
• 
  yo‘lga faqat texnik soz avtomobillarning chiqishini nazorat qilish;
  
• 
  haydovchilarga, o‘z navbatida, yo‘riqnomalar berilishini nazorat qilish;
  
• 
  transport vositalarining va haydovchilarning tashqi ko‘rinishi- ni nazorat qilish;
  
• 
  yodlarning holatini nazorat qilish;
  
• 
  ATX ma’muriyati va bo‘limlari tomonidan harakat xavfsizligi bo‘yicha me’yoriy hujjatlar, buyruqlar va ko‘rsatkichlarning bajarilishini nazorat qilish va boshqalar.
  

Komissiya aniqlangan kamchiliklar bo‘yicha ATX ma’muriya­tiga ularni bartaraf etishga qaratilgan tadbirlarni taqdim etadi.
Mavzu: 58. Avtomobillarning texnik holatini tekshirish
Reja:
1. Yo’lga chiqishdan oldin nazorat qilish.
2. Yo’nalishda ishlaganda va ATKga qaytgandan keyin nazorat qilish.
3.Avtomobillarning texnik holatiga tashxis qo’yish.
4. Transport vositalarining texnik holati va jihozlanishiga hamda yuklarning belgilanishigaqo’yiladigan qo’shimcha talablar.
Tayanch iboralar: Harakat havfsizligi, haydovchi, harakat xavfsizligi bo’limi, gaz ballonli avtomobillar, avtomobillarning texnik holati.
Bayoni:
Yo’lga chiqishdan oldin nazorat qilish. Yo’lga chiqishdan oldin transport vositalarining texnik holatini OTK nazoratchisi, yoki, navbatchi mexaniq tekshiradi.Tormoz tizimi, rul boshqarmasi va old ko’prik, tashqi yoritish uskunalari, oyna tozalagich va oyna yuvgich, g’ildirak va shinalar, dvigatel va transmissiyalarida nosozliklar mavjud bo’lgan avtomobillar, tirkama va yarim tirkamalar yo’nalishga chiqarilmaydi.
Tez alangalanadigan, zaharli, portlaydigan va radioaktiv moddalar, siqilgan va suyiltirilgan gazlar tashish uchun mo’ljallangan yuk avtomobillarining kuzovi va undagi jihozlar, bunday yuklarni tashish uchun amaldagi qoidalar talabiga javob bermasa; boshqarish pedallari va richaklarning zichligi buzilgan bo’lsa, (natijada salaonga uglerod oksidi kirsa), old, yonlardagi va orqa oynalarga haydovchining ko’rishiga halaqit beradigan pardalar va boshqa narsalar osilgan bo’lsa, avtomobillarning yo’nalishga chiqishga ruxsat etilmaydi.
Yo’l hujjatlari haydovchiga ko’zdan kechirish tugagandan keyingina beriladi.