Yuk tashish korxonalarida tashish ishlari o'quv amaliyotidan o'quv-uslubiy qo'llanma

Yuk jo`natuvchi Yuk jo`natuvchi Yuk jo`natuvchi СЭС Yuk jo`natuvchi Yuk jo`natuvchi

Xalqaro va shaharlararo avtomobillarda tashishda haydovchilarning
ishini va harakatini tashkil qilish shakllari.

Mavzu: 64. Bo’sh ketayotgan avtomobillarga yuklarni yuklab jo’natish.
Reja:
1.Bo’sh ketayatgan avtomobillarga yuklarni yuklab jo’natish tartibi.
2.Avtomobillarning yuksiz yurish masofasini qisqartirish.
3.Mavzu bo’yicha amaliy ko’nikmalar bajarish.
Tayanch iboralar: Yuk bekati, tashkiliy tuzilmasi, shaharlararo yuk tashish, transport ekspeditsiya xizmatini ko’rsatish, hisob-kitob ishlari, omborxonalar ishi. Yuk toifa(marka)lari.
Bayoni:
Avtomobillardan samarali foydalanish va shaharlararo yuk tashishda avtomobillarning bo’sh yurmasligiga yo’l qo’ymaslik maqsadida, bo’sh ketayotgan avtomobillarga qaysi tarmoq, tashkilotga qarashligidan qat’iy nazar, yo’l-yo’lakay tashishlar tashkil qilnadi va maxsus yo’riqnoma asosida amalga oshiriladi.
--Yuk ortish ishlari – yuk bekatlarida, agarda bu hududda yuk bekatlari mavjud bo’lmasa, umumfoydalanish avtotransport korxonalari zimmasiga yuklatiladi. Bu yo’l varaqasida ko’rsatilgan manzil bilan bir yo’nalishda bo’lsa amalga oshiriladi.
Asosiy yo’nalishdan chetlashish yo’nalishning umimiy uzunligidan 10%gacha, faqat avtomobil harakati uchun mo’ljallangan yo’llarda amalga oshiriladi. Yo’nalishdan katta hajmda chetllashishlar faqat avtomobil tegishli bo’lgan korxona va tashkilotlar ruxsati bilan amalga oshiriladi.Agarda yuk egasi avtomobilni yuk bekati bilan kelishilmagan holda jo’natayotgan bo’lsa, unda ortish ishlari majburiy o’tkaziladi.
Bo’sh avtomobil haydovchisi nozim-nazoratchi ishorasi bilan avtomobilni to’xtatishi shart (kunduzi qizil bayroqcha, kechasi qizil fonar). Majburiy ortish davrida barcha tashish haqlari yuk bekati zimmasida qoladi.
Bo’sh avtomobillarga yuk ortilganda Tovar-transport hujjati 5 nusxada to’ldiriladi va hujjatni qabul qilgan haydovchi imzosi qo’yilgan 1 nusxasi yuk bekatida qoladi. Berilgan 4 nusxadan 1 tasi avtomobil yo’nalishdan qaytgandan so’ng, 3 kundan kechiktirmay, yuk bekatiga qaytarilishi lozim.