Yosh tengdoshlar

Uglevodlar - Uglevodlar energiyaning asosiy manbai.
Uglevodga bo‘lgan talab, qishloq ho‘jalik mahsulotlari: un, yormalar, kartoshka hisobiga 
qoplanadi. 
Odam ovqatida uglevod yetishmasa, jismoniy va aqliy mehnat qobiliyati pasayadi, qonda 
chala oksidlangan moddalar to‘planadi. Ortiqcha uglevod yog‘ga aylanadi.
Vitaminlar. Oziq-ovqat ratsionida vitaminlarning bo‘lishi juda zarur. Vitaminlar normal 
hayot faoliyatini ta’minlaydi. Ular organizmda yetishmasa yoki ortiqcha bo‘lsa, fermentlar tizimi 
va moddalar almashinuvi buziladi.
Mineral moddalar. Vitaminlar qatorida mineral tuzlar, mikroelementlarning ham ahamiyati 
katta. Mineral tuzlar to‘qima, to‘qima suyuqligi, qon, plazma va suyaklarning tarkibiy qismini 
tashkil etadi. 
Suvning ahamiyati. Suv inson organizmining 70 foizini tashkil etadi. Organizmning hayot 
kechirishida, fiziologik jarayonlarning mo‘’tadil kechishida suv hal qiluvchi rol o‘ynaydi. Suvsiz 
ovqat hazm qilish ham, hujayralardagi moddalar almashinuvi ham mumkin emas. Shu boisdan 
organizm uchun zarur miqdorda suvning iste’mol qilinishi inson salomatligini saqlashning asosiy 
shartlaridan biri hisoblanadi.
 Suyuqlikni haddan tashqari ko‘p iste’mol qilish, ayniqsa, uni birdaniga ko‘p ichish 
zararlidir, odam ko‘p terlaydi, “suyulib” ketgan qon kislorod tashish vazifasini yaxshi bajara 
olmaydi, natijada yurak, tomirlar va buyraklarga og‘irlik tushadi.
Shuni aytish kerakki, issiq ichimliklar sovug‘iga qaraganda chanqoqni tezroq qondiradi. 
Kun issiq paytlarda odam ko‘proq suyuqlikka ehtiyoj sezadi. Bunda suyuqliklardan ko‘k choy 
ichish maqsadga muvofiqdir. Iqlimi issiq joylarda bir kecha-kunduzda 2 litrdan 3 litrgacha 
suyuqlik iste’mol qilinadi.