|
Yorug‘likning molekular sochilishi yoki releycha sochilish va uning spektral tarkibi haqida batafsil ma’lumot bergan edik. Reley chizig‘ining nozik strukturasi yoki Mandelshtam-Brillyuen komponentlari hosil bo‘lishini sochilgan yorug‘likning yuqori chastotali tovush to‘lqinlarida modulyatsiyalanishi bilan bog‘liq ekanligini nazariy ravishda isbot qilinganligini ham yuqorida ko‘rgan edik. Moskvalik olimlar Mandelshtam va Landsberg nazariy asoslangan bu hodisani tajribada tasdiqlashga o‘rinib, boshqa bir buyuk kashfiyotni ham amalga oshirdilar. 1928 yilda kvars kristallida sochilgan yorug‘lik spektrida tovush to‘lqinlarida emas, balkim, undan juda katta chastotadagi optik to‘lqinlarda modulyatsiyalangan yangi chiziqlarni kuzatdilar. Yorug‘likning bu xil sochilishini kombinatsion sochilish deb atadilar. Tovush to‘lqinlarida hosil bo‘lgan nozik strukturani esa Sankt-Peterburg universitetida yetuk yosh olim E.F.Gross 1930 yilda kashf qildi. Yuqorida bu haqda batafsil so‘z yuritdik.
Fizikada ko‘plab yirik kashfiyotlar bir necha olimlar tomonidan bir-biridan behabar holda bir vaqtning o‘zida kashf etilgan. Bu safar ham shunday bo‘ldi. Hind olimi Raman suyuq benzolda sochilgan yorug‘lik spektrida Moskvalik olimlar kashf etgan hodisani kuzatdi. Hind olimining bu kashfiyot haqidagi ilmiy maqolasi 1928 yil bahorida Angliyada chiqadigan «Nature» (Tabiat) jurnalida, Moskvalik olimlarning maqolasi esa bir necha oydan keyin Germaniyada chiqadigan «Naturvissenshaften» (Tabiat haqidagi fanlar) jurnalida chop etildi. Biroz oldin chop etilgani bahona bu kashfiyot uchun Nobel mukofoti Ramanga berildi. Shu sababli bo‘lsa kerak, jahon ilmiy jamoatchiligi bu hodisani Raman effekt deb ataydigan bo‘ldilar. Raman effekti degan xalqaro ilmiy jurnal ham chiqariladi.
Yana bir ta’kidlash lozim bo‘lgan tomoni shundaki, Moskvalik olimlar kombinatsion sochilishni klassik elektromagnit to‘lqin nazariyasi asosida tushuntirgan bo‘lsalar, Raman kvant nazariyasi asosida tushuntirdi. Keyingi tadqiqotlar har ikki nazariya ham asosli ekanligini tasdiqladi. Ikki nazariya ham o‘zaro ekvivalentdir.
Shunday qilib, muhitga tushayotgan yorug‘lik chastotasining ma’lum darajada o‘zgarib sochilishiga kombinatsion sochilish deb ataladi. Sochilish spektridagi yangi chiziqlar chastotasi muhitga tushayotgan uyg‘otuvchi yorug‘lik chastotasi bilan sochuvchi molekulalarning tebranish va aylanish chastotalarining kombinasiyasidan iborat. Shu sababli bu xilda yorug‘lik sochilishini kombinatsion sochilish deb atala boshlangan.
Kombinatsion sochilish spektrini sodda ko‘rinishda quyidagicha tasvirlash mumkin.
14-Rasm
Bu chizma reley chizig‘ining nozik strukturasi chizmasiga o‘xshaydi. Farqi shundaki, kombinatsion sochilish chiziqlari chastotasi optik diapazonda yotadi. Nozik struktura chastotasi kichik, akustik diapazonda yotadi. Bu chizmamizda nozik struktura chiziqlari ko‘rinmaydi, ular 0- markaziy spektral chiziq bilan qo‘shilib ketgan.
Chizmada 0 markaziy chiziq muhitga tushayotgan uyg‘otuvchi yorug‘lik chastotasiga mos keluvchi releycha sochilish spektri, chap tomonida joylashgan qo‘shnilari , va hakozo, ular ko‘p bo‘lishi mumkin, ularni deb belgilash mumkin. Ularni stoks chiziqlari deb ataladi. Angliyalik fizik J.G.Stoks (1819-1903) fotolyuminessensiya to‘lqin uzunligi uyg‘otuvchi nur to‘lqin uzunligidan katta ekanligini aniqlagan. Shu sababli bo‘lsa kerak, kombinatsion sochilishda kichik chastotali, ya’ni katta to‘lqin uzunlikdagi, qizil sohadagi qo‘shnilarni stoks chiziqlari deb atashadi. Qarshi tomondagi, ya’ni binafsha sohadagi qo‘shnilarni, chiziqlarni antistoks chiziqlari deb ataladi. U chiziqlarni stoks va antistoks yo‘ldoshlar ham deb yuritiladi. Bu yo‘ldoshlar markaziy chiziqqa nisbatan simmetrik joylashgan. Demak, uyg‘otuvchi nur chastotasidan ajratilayotgan yoki unga qo‘shib olinayotgan chastotalar o‘zaro teng demakdir. Ular molekulaning tebranish va aylanma tebranish chastotalariga teng bo‘ladi.
Kombinatsion sochilish kvant nazariyasi asosida to‘liq tushuntiriladi. Ammo klassik to‘lqin nazariya asosida ham bu hodisaning muhim tomonlari yaxshi yoritilishi mumkin.
Faraz qilaylik, muhitga monoxromatik yorug‘lik tushayotgan bo‘lsin. Uning elektr vektori
Do'stlaringiz bilan baham: |
