Yo’nalishi kurs guruh talabasi ibragimova durdonaning

Kurs ishining dolzarbligi. O‘rta Osiyo xalqlarining qadimgi va ilk o‘rta asrlar davri ma’naviy hayotida buddaviylik muhim ahamiyatga ega bo‘ldi. Dunyo xalqlari orasida keng yoyilgan bu din mil. avv. VI asrda Hindistonda paydo bo‘ladi. Mil. avv. III asrga kelib podsho Ashoki davrida buddaviylik keng hududlarni o‘z ichiga olgan hind podsholigi Mauryaning davlat diniga aylanadi. Keyinroq esa Baqtriya, So‘g‘diyona hududlariga yoyiladi. Buyuk ipak yo‘lini o‘rganish va qayta tiklashda O‘zbekiston rahbariyati ham alohida e’tibor qaratmoqda. Chunonchi, respublikamiz hududlarida uyushtirilgan ekspeditsiyalar natijasida ko‘pgina tarixiy-madaniy obidalar o‘rganildi. Qadimgi yo‘llar va yo‘nalishlar aniqlandi, milliy-ma’naviy boyligimiz hamda an’analarimiz o‘rganildi. Samarqandda Markaziy Osiyo tadqiqotlari Xalqaro Instituti ochilgan bo‘lib, uning asosiy yo‘nalishlaridan biri Buyuk ipak yo‘li va uning bo‘ylarida joylashgan shaharlarni o‘rganishdir. Xullas, «Buyuk ipak yo`li» O’rta Osiyo xalqlarini siyosiy, iqtisodiy madaniy va savdo soxasidagi hayotida katta o`rin tutgan, o`lka xalqlari bu yo`l tufayli G’arb va Sharq dunyosi hamda ularning xo`jalik ixtirolaridan kеng baxramand bo`lganlar.
«Ipak yo`li» O’rta Osiyo Sharq bilan Garb o`rtasida vositachilik qilgan. Bir so`z bilan aytganda, «Ipak yo`li» Sharq va G’arb xalqlari xayotida g`oyatda muhim va tarixiy o’rin tutgan. U xalqlarni siyosiy, iqtisodiy, savdo va madaniy sohalarda bogl’abgina qolmasdan, balki ayni zamonda bu yo`l dunyo xalqlari o`rtasida tinchlik osoyishtalik totuvlik qo`shnichilik do`stlik va qardoshlarcha birodarlik yo`li ham bo`lgan. Qadimiy avlod-ajdod ruxlarini shod etib «Buyuk ipak yo`li» an'analarini tiklash va unta sayqal berish ozod, xur, erkin va yashashdan manfaatdor bo`lgan barcha sof vijdonli fuqarolarning millati, irqi, diniy e'tikodidan qat'i nazar, muqaddas burchidir.
Kurs ishining obyekti: Buyuk ipak yo’li.
Kurs ishining predmeti: Buyuk Ipak yo’li va madaniyatimizga ta’siri
Kurs ishining metodologik asoslari. Ushbu tadqiqot ishimizning metodologik asoslarini O’zbekiston Respublikasining Prezidenti Sh.M. Mirziyayev va birinchi prezident I.A. Karimovning asarlarida ilm va fanni rivojlantirishda olg’a surilgan g’oyalar va ular to’g’risida chiqarilgan qaror va farmonlari tashkil qiladi.