Yog’och o’ymakorligi” fanidan o`quv-uslubiy majmua qarshi – 2019

Nazariy mashg‘ulotlarda “Aqliy hujum” metodidan foydalanib, darsni tashkil etish ketma-ketligi quyidagicha bo‘ladi.
1.Talabalar oldiga, o‘qituvchi tomonidan muammo qo‘yiladi.
2.Qo‘yilgan muammoning yechimi bo‘yicha har bir talaba o‘z fikrini erkin holda bildiradi. Fikrlar o‘rganilib, yozilib boradi.
3.Talabalarning fikrlari o‘qituvchi tomonidan nazorat qilib boriladi va har bir aytilgan fikr, u qandayligidan qat’iy nazar rivojlantiriladi. Tanqidga yo’l qo‘yilmaydi.
4.Fikrlar ma’lum bosqichda umumlashtirilib, yangi g‘oyalarning shakllanishiga sharoit yaratadi. Yangi g‘oyalarni ham umumlashtirilib boriladi. Bu jarayon bosqichma-bosqich amalga oshiriladi. Talabalar fikrlashdan to‘xtamasligi, muammoning yechimi bo‘yicha takliflar takomillashtirishi lozim. G‘oyalarning turlicha va ko‘p miqdorda bo‘lishiga ahamiyat qaratiladi.
5.Talabalar ham o‘zlarini yangi g‘oyalarini olg‘a surganda, boshqa talabalarga, ularni fikri to‘g‘ri yoki noto‘g‘ri deb aytilishiga yo’l qo‘yilmaydi. Ular bir-biriga tayanib, bir-birini boyitib boorish lozim.
6.Muammoning yechimi bo‘yicha fikrlar shakllanib bo‘lgandan keyin, u oxirgi marta umumlashtiriladi. Birorta aniq qarorga kelinadi. Shundan keyin talabalar o‘zlarining takliflarini o‘zlari tanishtirib, qayerda to‘g‘ri va qayerda xato aytganlarini o‘zlari sezadi va o‘zlarini o‘zlari baholaydi. ’
Metodning amaliy ahamiyati shundaki, u guruhni birlashtirib, yakdil qiladi. Har bir talabada uning taklifi yozib olishga arzigulik ekanligini sezish uchun imkon beradi.

“Aqliy hujum” metodining asosiy qoidalari quyidagilar:

1.O‘quvchilarning o‘zlarini erkin his etishlariga sharoit yaratib berish.
2.G‘oyalarni yozib boorish uchun yozuv taxtasi yoki varaqlarni tayyorlab qo‘yish.
3.Muammo (yoki mavzu) ni aniqlash.
4.Mashg‘ulot jarayonida amal qilinishi lozim bo‘lgan shartlarni belgilash.