Yo. Abdullayev, T. Qoraliyev, sh. Toshmurodov, S. Abdullayeva

O‘zaro pul fondlari foizlar bilan to‘lanadigan omonatlarni qabul 

qiladi, buning uchun mijozlarga chek yozib berishi mumkin. Chek 

bo‘yicha qo‘yilgan omonat summasi kabi hajmi ham ma’lum darajada 

chegaralangan bo‘ladi. 

Moliya muassasasining bunday turi ko‘p minglab omonatchilarning 

mablag‘larini jalb etadi hamda hosil bo‘lgan fond daromad keltiradigan 

qimmatli qog‘ozlarni sotib olish uchun ishlatiladi. Sanab o‘tilgan moliya 

muassasalaridan farqli o‘laroq, o‘zaro pul fondlaridagi omonatlar sug‘urta 

qilinmaydi, biroq ularning aktivlari (omonatchilarning mablag‘iga sotib 

olingan qimmatli qog‘ozlar) yuqori likvidli bo‘lgani sababli katta foizlar 

olib keladigan yetarli darajada ishonchli jamg‘arma vositasi hisoblanadi.