Yillik mehnat ta’tili vaqtida saqlanib qolinadigan o‘rtacha ish haqi miqdorini aniqlash tartibi to‘G‘risidagi yo‘riqnomani tasdiqlash haqida

4-bob. Mehnat ta’tili haqi va pullik kompensatsiya miqdorini belgilash

18.  Mehnat  ta’tili  haqi  miqdorini  hisob-kitob  qilish  uchun  qabul  qilingan  (ushbu  Yo‘riqnomaning  2-bobi

qoidalariga  muvofiq)  o‘rtacha  ish  haqini  O‘zbekiston  Respublikasi  Bandlik  va  mehnat  munosabatlari  vazirligi

tomonidan tasdiqlanadigan hamda qonun hujjatlarida belgilangan tartibda e’lon qilinadigan har bir kalendar yilga ish

vaqti kalendari (ish vaqti balansi) bo‘yicha aniqlangan olti kunlik ish haftasida joriy kalendar yildagi ish kunlarining

o‘rtacha  oylik  soniga  bo‘lish  orqali  hisoblab  chiqiladigan  xodimning  o‘rtacha  kunlik  ish  haqidan  kelib  chiqib

aniqlanadi.

12-misol. 3-misolga ko‘ra 2018-yil yanvarda ta’tilga chiqayotgan xodimning mehnat ta’tili haqi miqdorini

hisoblab chiqish uchun belgilangan o‘rtacha oylik ish haqi 1 mln. 440 ming so‘mni tashkil etdi.

2018-yilga  mo‘ljallangan  ish  vaqtining  tasdiqlangan  kalendariga  muvofiq  olti  kunlik  ish  haftasida  ish

vaqtining  yillik  fondi  301  ish  kunini  tashkil  etadi.  Tegishli  ravishda  ish  vaqtining  o‘rtacha  oylik  balansi  25,1  ish

kunini tashkil etdi.

Mehnat  ta’tili  haqi  miqdorini  aniqlash  uchun  qabul  qilingan  o‘rtacha  kunlik  ish  haqi  57  ming  370  so‘mni

tashkil etadi (1 mln. 440 ming : 25,1).

19. Xodimga tegishli bo‘lgan mehnat ta’tili haqining miqdorini hisoblash ushbu Yo‘riqnomaning 18-bandiga

muvofiq  hisoblab  chiqilgan  o‘rtacha  ish  haqini  ushbu  Yo‘riqnomaning  13,  14  va  16-bandlariga  muvofiq  naturada

beriladigan mehnat ta’tilining ish kunlari soniga ko‘paytirish orqali amalga oshiriladi, bunda Farmonda belgilangan

qo‘shimcha  dam  olish  kunlarining  amalda  foydalanilgan  sonini  o‘rtacha  kunlik  ish  haqiga  ko‘paytirish  orqali

aniqlangan mehnat ta’tili haqi summasi qo‘shiladi.

13-misol.  Jamoa  yoki  mehnat  shartnomasiga  muvofiq  xodimga  24  kundan  iborat  bo‘lgan  mehnat  ta’tili

berilishi  kerak.  Farmonga  muvofiq  qo‘shimcha  ishlanmaydigan  kunlar  belgilanishi  hisobiga  mehnat  ta’tili  uch  ish

kuniga qisqartiriladi. Mehnat ta’tili naturada 21 ish kunini tashkil etadi (24 — 3).

Mehnat  ta’til  miqdorini  aniqlash  uchun  o‘rtacha  kunlik  ish  haqi  57  ming  370  so‘mni  tashkil  etadi  (12-

misolda bo‘lgani kabi).

Hisoblanishi kerak bo‘lgan mehnat ta’tili haqi miqdori 1 mln. 376 ming 9 so‘mni tashkil etadi (21 * 57370 +

3 * 57370).