Yillik mehnat ta’tili vaqtida saqlanib qolinadigan o‘rtacha ish haqi miqdorini aniqlash tartibi to‘G‘risidagi yo‘riqnomani tasdiqlash haqida

kompensatsiyani hisoblab chiqish

1-§. Mehnatga vaqtbay haq to‘lashda o‘rtacha ish haqini hisoblab chiqish

4. O‘rtacha ish haqi hisob-kitob kunida belgilangan tarif stavkasidan (lavozim maoshidan) kelib chiqib:

tashkilotda 12 oydan ortiq ishlagan xodimlar uchun — mehnat ta’tili haqi hisob-kitob qilinayotgan oydan

oldingi 12 oy uchun olingan tarif stavkasidan (lavozim maoshidan) ortiq bo‘lgan barcha to‘lovlarning o‘n ikkidan bir

qismiga;

tashkilotda tegishli ravishda 6 oydan 11 oygacha ishlagan xodimlar uchun — mehnat ta’tili haqi hisob-kitob

qilinayotgan oydan oldingi 6 va undan ortiq oylar uchun olingan tarif stavkasidan (lavozim maoshidan) ortiq bo‘lgan

barcha to‘lovlarning oltidan bir qismiga (tegishli ravishda yettidan bir qismiga, sakkizdan bir qismiga, to‘qqizdan bir

qismiga, o‘ndan bir qismiga, o‘n birdan bir qismiga) oshirilgan holda hisoblab chiqiladi.

1-misol.  Xodimga  7  oy  ishlagandan  keyin  mehnat  ta’tili  berilgan.  Xodimning  hisob-kitob  kunidagi  tarif

stavkasi  850  ming  so‘mni  tashkil  etdi.  Butun  ishlangan  davrda  u  1  mln.  500  ming  so‘m  miqdorda  mukofotlar,

ustamalar  va  qo‘shimcha  haqlar  olgan.  Mehnat  ta’tili  haqini  hisoblab  chiqish  uchun  xodimning  o‘rtacha  ish  haqi

quyidagini tashkil etadi: 850 ming so‘m + (1 mln. 500 ming so‘m : 7) = 1 mln 64 ming so‘m.

Xodimlarning  o‘rtacha  ish  haqlari  ishlagan  vaqtiga  mutanosib  ravishda  tarif  stavkasi  (lavozim  maoshi)

asosida aniqlanadi.

Hisoblash  kuniga  to‘g‘ri  keladigan  ish  haqi  bo‘lmagan  xodimlar  (masalan,  vaqtinchalik  ish  bo‘lmaganligi

uchun ish haqi saqlanmagan holda ta’tilda bo‘lganlar, bola parvarishida bo‘lganlar, vaqtinchalik mehnatga layoqatsiz

bo‘lganlar) yoki xodimning o‘rtacha ish haqi miqdori qonun hujjatlariga muvofiq belgilanganda, o‘rtacha daromad

ushbu davrdan oldingi o‘tgan oy uchun hisoblangan ish haqi asosida hisoblanadi.

5.  O‘rtacha  ish  haqini  aniqlashda  mukofotlar  va  tarif  stavkasidan  (lavozim  maoshidan)  ortiq  hisoblangan

boshqa to‘lovlar ular hisoblangan davrdan qat’i nazar ular hisoblangan oy bo‘yicha hisobga olinadi.

2-misol.  Joriy  yilning  iyul  oyida  ta’til  olgan  xodimga  birinchi  yarim  yillik  uchun  mukofot  avgustda

hisoblangan. Mazkur mukofot joriy yil uchun mehnat ta’tili haqini hisob-kitob qilishda hisobga olinmaydi, keyingi

ta’tilni hisob-kitob qilishda hisobga olinadi.

6. O‘zbekiston Respublikasi Vazirlar Mahkamasining 1997-yil 3-iyuldagi 339-son “Davlat xizmatchilarining

lavozim  maoshlariga  yigirma  foizli  ustama  haq  belgilash  to‘g‘risida”gi  qarori  bilan  mehnatni  rag‘batlantirish

koeffitsiyenti  belgilangan  xodimlarning  tarif  stavkasi  (lavozim  maoshi)  mehnatni  rag‘batlantirish  koeffitsiyentini

hisobga olgan holda aniqlanadi.

3-misol. Xodimga u ishlagan yil (12 oy) uchun mehnat ta’tili berilgan. Xodimning tarif stavkasi (lavozim

maoshi)  hisob-kitob  kunida  850  ming  so‘mni  tashkil  etadi.  Shuningdek,  40%  miqdorda  mehnatni  rag‘batlantirish

koeffitsiyenti belgilangan. Butun ishlagan davrida 3 mln. so‘m miqdorda mukofotlar, ustamalar va qo‘shimcha haqlar

olgan. Mehnat ta’tili haqini hisob-kitob qilish uchun xodimning o‘rtacha ish haqi quyidagicha hisoblanadi: 850 ming

so‘m * 1,4 + (3 mln. so‘m : 12) = 1 mln. 440 ming so‘m.