Yapon yurisprudensiya sohasiga oid terminlarning lingvokulturologik xususiyatlarining tahlili

Mavzuning oʻrganilganlik darajasi

Turli tillar yuridik terminologiyasining bir qator masalalari tilshunos olimlar tomonidan ma’lum darajada oʻrganilgan. Shuningdek, yuridik terminologiyalar, yapon tili yuridik terminologiyasi hamda yuridik tilga oid lug’at va endiklopediyalar mavjud boʻlib, huquqiy tizimning oʻziga xos xususiyatlariga oid oʻquv qoʻllanmalar va darsliklar amaliyotga joriy etilgan.
Yuridik soʻz va terminlarning lingvokulturologik, huquqiy tizimning oʻziga xos xususiyatlari, yuridik terminlarning tipologik tasnifi, yuridik terminlarning leksikasida sinonim, omonim va antonimlar qatorini aniqlash, leksik-semantik tahlilini qilish va ishlab chiqish zarurati tadqiqotimiz mavzusini belgilab berdi.

3. 
   Tadqiqot ishining maqsad va vazifalari
   

Tadqiqotning maqsadi yapon yurisprudensiya sohasiga oid terminlarning shakllanishi hamda uning shakl va ma’no munosabatlarini lingvokulturologik jihatdan tadqiq qilib oʻrganishdan iborat.
Tadqiqotning vazifalari:
- yapon tilida yuridik terminlarning yasalish yoʻllarini tahlil qilish va uning oʻziga xos integral hamda differensial xususiyatlarini aniqlash va koʻrsatib berish;
- yapon tili yuridik terminlarning shakl va ma’no xususiyatlarini tahlil qilish;
- yapon yurisprudensiyaga sohasiga oid terminlarni lingvokulturologik jihatdan tahlil qilish;

4. 
   Tadqiqot obyekti va predmeti.
   

Tadqiqot obyekti yurisprudensiyaga oid terminlar, predmeti yurisprudensiyaga oid terminlarning strukturaviy-semantik va lingvokulturologik xususiyatlari.

5. 
   Yuridik terminlarning boshqa terminlarga nisbatan farqli va oʻziga xos xususiyatlari
   

Yuridik terminlarning boshqa soha terminlaridan farqi shundaki, “bu terminlar jamiyatning barcha sohalarida keng tarqalgan boʻladi”. Zero, huquq bilan bevosita yoki bilvosita bog’liq boʻlmagan sohaning oʻzi mavjud emas.
Yuridik terminlarni tasniflash ularni sof yuridik terminlarga va umumiste’mol tildagi terminlarga boʻlinishiga asoslanadi. Bu tasnif ularni oʻz navbatida ikkiga boʻladi: sof yuridik terminlar va ikki taraflama terminlar, ya’ni ham yuridik termin, ham umumadabiy soʻz.

1.