Yangi o‘zbekistonda erkin va farovon yashaylik

Ta’lim muassasasi hovlisi bayramona bezatilgan. Yon atrof vatanimizni madh etuvchi  “Buyuk va muqaddassan, mustaqil Vatan!”, ”Qadr-qimmatim, tayanchim,  iftixorimsan, mustaqil Vatan!” kabi shior va plakatlar, rang-barang sharlar, anvoyi gullar, turfa xil bayroqchalar bilan bezatilgan.

Bayram tantanasiga ota-onalar, mahalla faollari, Yoshlar ittifoqi, ommaviy axborot vositalari vakillari taklif etiladi.

 (Sahnaga davrani boshqarib boruvchi milliy kiyimdagi suxandonlar-yigit va qiz kirib kelishadi).

1-suxandon:

Assalom, ona yurtim, go‘zal diyorim,

Salom senga tuprog‘i zar, buyuk Turonim!

Salom senga, jannatmakon bog‘im, chamanim,

Mustaqil diyorim, O‘zbekistonim!

2-suxandon:

Assalom, ulug‘ xalq, o‘zbegim,

Dili pok, qutlug‘ xalq,o‘zbegim!

Assalom,hur taqdir,istiqlol,

Iqbolim, sharafim, o‘zligim!

Tong bilan yayraydi madhiyam,

Porlaydi yuksakda quyoshim,

Yo‘l ko‘rkam, el ko‘rkam, dil ko‘rkam,

Karvoning boshlayver, yurtboshim!

So‘ngra O‘zbekiston Respublikasining madhiyasi yangraydi.