Xx боб ҳомиладорлик давридаги гипертензив ҳолатлари

лабетолол томир ичига юборилади ва нифедипинга яқинроқ (ножўя таъсирлари камроқ);
секинроқ таъсир қиладиган воситалар:
метилдопа симпатик нерв тизимининг гипертензив фаолиятини сусайтиради ва 6-12 соат ичида кўтарилган қон босимини бошқариб туради.
Дастлабки 48 соат мобайнида ҳаддан ташқари уйқисирашга олиб келади,
метилдофа эффектив бўлиб, дастлабки седатив таъсирдан сўнг болага таъсир кўрсатмайдиган ягона гипотензив восита ҳисобланади.
бета-блокаторлар, окспренохол, лабеталол ва атенолол, симпатик нерв системасининг фаоллигини жиловлаб туради ва метилдофадан кўра ножўя таъсирлари камроқ.
клонидин таъсири кўп жиҳатдан метилдопага ўхшаш, бирдан-бир фарқи - олдинроқ таъсир қилишни бошлайди (тахминан 30 дақиқадан сўнг)
Гидролазин ёки лабеталол кенг ишлатиладиган дорилар ҳисобланади. Иккаласи ҳам ҳомила дистрессига сабаб бўлиши мумкин ва шунинг учун доимий тарзда юрак ритмини назорат қилиш зарур.
20.4. Ҳомиладорлик ва туғруқни олиб бориш
Гипертензив бузилишларнинг енгил турлари бўлган аёллар амбулатор шароитида ҳар ҳафта кузатилиши зарур: қон босимини текшириш, сийдик таҳлили (протеинурияни аниқлаш учун), рефлексларни ва ҳомила ҳолатини назорат қилиш (бачадон тубини ўлчаш орқали ҳомила ўсиши назорат қилинади). Артериал қон босими ёки сийдикдаги оқсил миқдори ошмагунча талвасага қарши, антигипертензив, седатив препаратларни, транквилизаторлар ва диуретикларни буюриш ман этилади. Агар сийдикда оқсил ошиб борса аёлни оғир преэклампсияга ўхшаш қилиб олиб борилади. Агар ҳомила ҳолати бузилиши тўғрисида маълумот бўлса (шу жумладан ҳомила ўсиши тўхташи белгилари), туғруқни барвақт ҳал қилиш тўғрисидаги муаммони ечиш лозим.
Оғир преэклампсия ва эклампсия бир хил олиб борилади, фақат оғир преэклампсия белгилари пайдо бўлиши билан туғруқ 24 соат мобайнида содир бўлиши инобатга олинса, эклампсияда эса – талвасалар пайдо бўлгандан сўнг 12 соат мобайнида. Диастолик артериал босимни жиддий назорат қилиш зарур (100 мм сим.уст паст, лекин 90 мм сим.уст. паст бўлмасин), суюқлик баланси (юборилган ва ажралган суюқлик миқдори), ҳаётий зарур функциялар, рефлекслар ва ҳомиланинг юрак фаолияти назорати. Қоннинг ивиши баҳоланиши зарур. Даволашда энг асосийси бу магнезиал терапия ўтказиш, юқорида кўрсатилган гипотензив препаратлар ва инфузион терапия (сув баланси ҳисоби билан). Инфузион терапия чегараланган бўлиши зарур – 85 мл/соатига ёки сийдик чиқиши бир соатда 30 мл дан зиёд бўлса.
Аёл ҳолати барқарор бўлиши билан туғруқ содир бўлиши керак. Туғруқни ҳомила етилишига қараб тўхтатиш нафақат она ҳаёти учун, балки ҳомила ҳаёти учун ҳам хавф туғдиради. Туғруқ гестация муддатига боғлиқ бўлмаган ҳолда ҳал этилиши керак. Агар туғруқ йўллари тайёр бўлса, туғруқни тезлатиш мумкин (амниотомиядан кейин окситоцин ёки простагландин юбориш мумкин). Агар қин орқали туғруқ 12 соат давомида кузатилмаса (эклампсияда) ёки 24 соат (оғир преэклампсияда), ёки ҳомила дистресси аниқланган бўлса, шунингдек бачадон бўйни «етилмаган» бўлса, кесарча кесишни бажариш керак.
Туғруқдан сўнг 48 соат давомида аёлларни назорат қилиш зарур, чунки эклампсия қайталовчи хуружларининг янгидан бошланиш хавфи бор. Талвасага қарши давони туғруқдан кейинги 24 соат мобайнида ёки туғруқдан кейин ҳам давом эттириш керак, қайси бири охири содир бўлишига боғлиқ ҳолда. Гипотензив терапияни диастолик қон босими 110 мм сим.уст. рақамда ушлаб турилиши керак.