Xx asrning oxirgi o’n yilligi va XXI asr boshlarida xalqaro munosabatlar. Reja: Kirish. I bob. “Sovuq urush” barham topgandan keyin xalqaro maydonda yuz bergan jarayonlar

Ishning nazariy-metodologik asoslari. Bitiruv-malakaviy ishimning uslubiy asoslari sifatida hurmatli birinchi prezidentimiz Islom Karimovning haqqoniy tarixni o’rgatishning ahamiyati yoritilgan asarlari, Respublika Vazirlar Mahkamasining “O’zbekiston Respublikasi Fanlar akademiyasi tarix instituti faoliyatini takomillashtirish to’g’risida”gi 1998-yil 27-iyul 315-sonli qarori, prezidentimiz Sh. Mirziyoyevning xalqaro va respublika miqyosidagi uchrashuvlarda, xususan, Respublika Fanlar akademiyasi vakillari bilan uchrashuvda, BMT ning 72-sessiyasida, Samarqand shahrida o’tkazilgan “Markaziy Osiyo: yagona tarix va umumiy kelajak, baraqaror rivojlanish va taraqqiyot yo’lida hamkorlik” mavzusidagi xalqaro konferensiyada hamda boshqa xalqaro tashkilotlarning yig’ilishlarida so’zlagan nutqlaridan foydalandim.

Shuningdek, xalqaro munosabatlar tizimida turli tashkilotlar va davlatlar siyosatining mazmuniga baho berishda O’zbekistonning o’ziga xos mustaqil tashqi siyosati tamoyillariga amal qilish lozimdir. Xalqaro va mintaqaviy muammoli masalarni hal etishda kuch ishlatish usulining qo’llanilishi, inson huquqlari va davlatlar suverenitetiga tahdidlarga nisbatan shaxsiy munosabat bildirishda respublikamiz tashqi siyosatining asosiy yo’nalishlarini qonuniy ravishda belgilangan hujjatlar, xususan O’zbekiston Respublikasi Konstitutsiyasi hamda sohaga doir qabul qilingan qonunlar, qarorlar va farmonlar uslubiy asos qilib olindi.