Xususiy sherikchiligi asosida rivojlantirish

“Халқаро молия ва ҳисоб” илмий журнали. №2, апрель, 2021 йил. ISSN: 2181-1016 
5 
2020 yil va kelgusi yillarda bitimlarning faqatgina halqaro moliya 
institutlaridan jalb qilingan kreditlar hamda davlat- xususiy sheriklik asosida 
maktabgacha ta’lim tashkilotlarini tashkil etish uchun avval ajratilgan kreditlar 
bo‘yicha xususiy sherik tomonidan qaytariladigan asosiy qarzlar hisobidan maxsus 
ochilgan shaxsiy g‘azna hisobvarag‘ida jamlangan mablag‘lar doirasida tuzilishi 
ta’minlangan.
Halq ta’limi tizimiga zamonaviy boshqaruvning yangi tamoyillarini 
amaliyotga joriy etish, umumiy o‘rta ta’lim maktablarida yillar davomida yig‘ilib 
qolgan muammolarni bartaraf etish, yuqori darajali texnik xizmat ko‘rsatishni 
oshirish maqsadida Osiyo taraqqiyot banki bilan hamkorlikda Toshkent shahri va 
Toshkent viloyatida davlat-xususiy sherikchiligi asosida umumiy o‘rta ta’lim 
maktablarini ham tashkil etish davri kelganligini va ushbu yo‘nalishga bosqichma-
bosqich o‘tish zarur ekanligini davr va jaxon tajribasi talab qilmoqda.
Toshkent shahri va Toshkent viloyatining maktablarga ehtiyoj yuqori 
bo‘lgan hududlarida zamonaviy hamda xalqaro standartlarga javob beruvchi 
maktablarni barpo etilishini ta’minlash maqsadida Toshkent shahar hokimligi va 
Toshkent viloyat hokimligi davlat xususiy sheriklik asosida maktablarni tashkil 
etish maqsadida Halq ta’limi vazirligining hududiy bo‘linmalariga Toshkent shahri 
xududidagi yer maydonlarini ajratish va maydoniga o‘zgartirishlar kiritish, loyiha 
asosida maktablarni tashkil etish, zamonaviy uskunalar, mebel, kompyuter 
texnikasi, metodik qo‘llanmalar va boshqa vositalar bilan ta’minlash, shuningdek, 
ularga texnik xizmat ko‘rsatish bo‘yicha namunaviy loyihalarni muntazam amalga 
oshirish choralari kutilmoqda. Davlat-xususiy sheriklik asosida maktablarni qurish, 
rekonstruksiya qilish, jihozlash va faoliyatini ta’minlash uchun olib kelinadigan 
uskunalar, kompyuter texnikasi, o‘qitishning texnik vositalari, adabiyotlar, 
multimedia mahsulotlari hamda qurilish materiallari, butlovchi buyumlar, ehtiyot 
qismlar 2024 yil 1 yanvargacha bojxona to‘lovlaridan (bojxona rasmiylashtiruvi 
uchun yig‘imlardan tashqari) ozod etilishi ushbu sohaga yanada e’tiborni kuchli 
ekanligini aytib o‘tish lozim.
Xorijiy tajribaga ko‘ra, daklat bilan xususiy biznes o‘rtasidagi sheriklik turli 
yo‘nalishdagi biznes-model va munosabatlardir. Ushbu hamkorli doirasida xususiy 
va davlat resurslari hamda aktivlari birlashadi, vakolatlar taqsimlanadi, natijada bir 
tomonning kuch salohiyati ikkinchi tomon uchun ham hizmat qiladi. Bunday 
xususiy biznes oddiy xususiy korxonadan davlat uchun hizmat ko‘rsatish bilan farq 
qiladi. Masalan, xususiy korhona o‘z mablag‘ini tavakkalchilik asosida jalb qilishi, 
davlat esa hech qanday harajagsiz qo‘shimcha daromad olishi yoki to‘lovlarsiz 
biror bir hizmatni yo‘lga qo‘yishi mumkin.
Davlat bilan xususiy biznes hamkorligi mexanizmining asosiy maqsadi, 
davlat ahamiyatidagi uzoq muddatga mo‘ljallangan loyihalarini samarali amalga 
oshirishning kuchli quroli hisoblanadi. Avvalo, davlat va xususiy biznes 
sherikchiligi o‘zida byudjet orqali moliyalashtirishning muqobil shaklini namoyon 
qiladi. Davlat bilan xususiy biznes hamkorligi tarzidagi ho‘jalik yuritish ishlari 
mamlakat iqtisodiy sektoriga qo‘shimcha manbaalarni jalb qilish imkonini beradi. 

---