Xudoyberdiyev eldor uktamjonovich

Dissertatsiyaning ilmiy-tadqiqot ishlari rejalari bilan bog'liqligi.
Bugungi kunda adabiyotshunoslik sohasidagi ilmiy tadqiqotlarning istiqbol rejasini hozirgi zamon adabiyotimizning jahon adabiy jarayoni tarixi va taraqqiyotidagi mavzui, zamonaviy asarlarimizning mavzu va g'oyalar ko'lami, badiiy ilmiy-nazariy jihatdan xolisona tadqiq etish belgilab beradi. Shundan kelib chiqqan holda, Alisher Navoiy nomidagi Samarqand davlat universiteti hozirgi zamon o'zbek adabiyoti kafedrasi bugungi kun zamonaviy o'zbek adabiyoti muammolari mavzusini tanlagan bo'lib, mazkur tadqiqot ushbu keng qamrovli muammo bilan bog'liq holda Erkin A'zamning sujet va kompozitsiya yaratish mahoratini yoritishga qaratilgan.
Tadqiqotishining yangiligiquyidagilardan iborat:

• 
  ushbu tadqiqot ishida Erkin A'zam asarlarining sujet va kompozitsion xususiyatlari aniq tahlil qilingan va adib asarlarining sujet va kompozitsion tabiati o'ziga xos yetti guruhga ajratib chiqilgan. Bu ishgacha bunday tahlil namunasini uchratmaymiz;
  
• 
  ushbu ilmiy ishda Erkin A'zam asarlarida sujet va kompozitsiya birligi nomli fasl mavjud bo'lib, adibning sujet va kompozitsiya birligini asarning mazmuni va g'oyasiga xizmat qildirganligi isbotlangan. Bu hodisani boshqa tadqiqot ishlarida va ilmiy maqolalarda uchratmaymiz;
  
• 
  adibning muhit va xarakter, makon va zamon yaratishdagi o'ziga xosligi aniq faktlar va badiiy matn asosida talqin qilinib, ma'lum xulosalarga kelingan. Agar biz yuqorida keltirilgan maqolalarga e'tibor beradigan bo'lsak, ularda bu xususda so'z yuritilmagan;
  
• 
  Erkin A'zamning yaqin yillarda yaratilgan asarlari: “Shovqin” romani, “Guli guli” qissalaridan ham tadqiqot obyekti sifatida foydalandik. Bu asarlar hech bir tadqiqot ishi yoki maqola uchun tadqiqot ob'ekti sifatida qo'llanilmagan. Yuqorida zikr etilgan holatlar tadqiqot mavzusi va ishining yangiligini
  

belgilaydigan va asoslaydigan holatlardir.