Xorijiy mamlakatlarda davlat shakllarining asosiy

Tiraniya rejimi ham yakka shaxs boshqaruviga asoslangan. Buning despotiyadan farqi shundaki, tiranning hokimiyati odatdazo’ravonlik natijasida, ba’zan qonuniy hokimiyatning o’rnini egallash natijasida o’rnatiladi. Huquqiy va axloqiy qadriyatlar hisobga olinmaydi, u o’zboshimchalik, terror va genosid asosida qaror topadi. Tiranning hokimiyati ayovsiz bo’ladi. Tiraniya ham qo’rquvga asoslangan. Tiran qarshilik ko’rsatganlarni bostirishgaharakat qiladi. Boshqa mamlakat hududi va aholisini zabt etish nafaqat jismoniy va axloqiy zo’ravonlikni, shuningdek, bosib olingan xalqning an’analari va urf-odatlarini ham tahqirlashga olib keladi.

Tiraniya idora usullari ham qadimgi yunon polislarida, ba’zi O’rta asrdagi shahar-davlatlarda mavjud bo’lgan.

Tiraniya ham despotiya singari o’zboshimchalikka asoslangan.Basharti despotiyada o’zboshimchalik yuqori mansabdorlarga ofat keltirsa, tiraniyada esa bunday halokat har bir kimsaning boshiga tushadi. Qonunlar juda oz bo’lib, zero, tiraniya hokimiyati qonunlar qabul qilishga harakat qilmaydi.