Xborot texnologiyalari va tizimlari. Axborot

4-ma’ruza. Aqlli dunyo konsepsiyasi. Buyumlar interneti (Internet of Things).

Reja:

4.1. Buyumlar interneti (Internet of Things) tushunchasi.

4.2. Buyumlar interneti (Internet of Things) konsepsiyasi.

4.3. Aqlli dunyo konsepsiyasi

Tayanch iboralar: Internet of Things, buyumlar interneti, aqlli shahar.
4.1. Buyumlar interneti (Internet of Things) tushunchasi.

Insoniyat о‘z tarixida uchta axborot inqilobini amalga oshirgan.

Birinchisi - yozuvning kashf etilishi bо‘lgan bо‘lsa, ikkinchisi - kitob bosishning ixtiro qilinishi edi. Uchinchi axborot inqilobi esa Internet bо‘lgan.

Hozirda internet orqali yozishmalar, videoqо‘ng‘iroqlar va hatto savdo ishlarining bajarilishi hamma uchun odatiy holga aylandi. Hatto hukumat ham о‘z funksiyalarining muayyan qismini internet orqali bajarmoqda. Lekin, global tarmoqning imkoniyatlari bu bilan ham cheklanib qolayotgani yо‘q. Qizig‘i shundaki, internetdan foydalanishni endi nafaqat odamlar, balki, buyumlar ham «uddalaydigan» zamonga qadam qо‘ymoqda.

Aslida internetdan foydalanadigan buyumlar zamonasi ham allaqachon boshlangan. Shu sababli ham bu soha «buyumlar interneti» deb nomlanish olgan bо‘lib, axborot texnologiyalari evolyusiyasi bir kun kelib bu jarayonga kirishishi albatta tabiiy hol edi.