Xalqaro turizm va turizm servisi

Antropogen landshaftlar o‘zaro harakatlanuvchi tabiiy va sun’iy unsurlardan tashkil topadi va inson ishtiroki natijasida shakllanib boradi. Landshaftning takomillashuvi jarayonida landshaft urbanizatsiyasi tushunchasi shakllandi. Bularga shahar, qishloq, sanoat, rekreatsion landshaftlar kiradi.



^{52-rasm. Rekreatsion muhit}

Landshaft dizaynida arxitekturaviy muhitni yaratish alohida ahamiyat kasb etadi. Muhitda barcha tabiiy va arxitekturaviy unsurlar kompozitsion yaxlitlikda bajarilishini talab qiladi. Berilgan ob’ektning loyihaviy yechimida dizayner o‘z diqqatini arxitekturaviy qurilma, kichik arxitekturaviy formalarning uyg‘unligiga, faktura jihatidan boy, sifatli ko‘rinishiga erishilishiga qaratishi lozim.

Bugungi kunda zamonaviy me’morchilikda arxitekturaviy konstruksiyalar, fasadlar va kichik arxitekturaviy shakllarda yangi materiallar turlari keng ko‘lamda qo‘llanilmoqda.

Dizayner politrasi boyib, turli-tuman metall konstruksiyalar yuzasini annodlash usullarini qo‘llash va bu konstruksiyalarga yangi turdagi qoplama materiallardan foydalanish imkoniyatlariga ega bo‘lmoqda. Dizayner o‘zining arxitekturaviy qurilmalarida rangi, fakturasi, chidamliligi va estetik ko‘rinishi zamonaviy kishi didiga mos, shuningdek landshaft yechimining umumiy kompozitsion yechimiga mos ravishda loyihalashi lozim. Zamonaviy materiallarni qo‘llashda xalqaro ekologiya, gigiyena normalariga to‘la javob berishini ham e’tiborga olishi kerak.