Xalqaro tijorat ishi

Bozordagi raqobatchi firmalar faoliyatini o'rganish va tadqiq qilish
Raqobatchi firmalarni o‘rganishda umumiy ma‘lumotlar bilan bir qatorda barcha raqobatchi firmalar bo‘yicha va har biri alohida holda quyidagi ma‘lumotlar tahlil qilinadi:

• 
  bozordagi raqobatchilarning o’rni; chiqarilayotgan mahsulotning sotilish hajmi; jahon bozorida va ma‘lum mamlakat ro‘yhatidagi firmalarning joyi; o‘rganilayotgan bozordagi mazkur mahsulotning umumiy savdo hajmida har bir raqobatchi firmaning ulushi;
  
• 
  har bir firmadan chiqarilayotgan mahsulotning xarakteri, uning texnik parametrlari, narxi, raqobatbardoshlik omillari, tovar beligilarining qo‘llanishi amaliyoti, tovarning jozibadorlik jihatlari va uning qadog‘i, shu davrda va kelajakda raqobatchilar tomonidan chiqarilgan bozor tovarlarining yangiligi;
  
• 
  raqobatchi firmalar taklif qilgan xizmatlar ko’rinishlari va hajmi, jumladan, shakli va texnik xizmat ko’rsatishi;
  
• 
  raqobatchilar tomonidan qo’llanilgan reklama faoliyati amaliyoti va sotuvni rag’batlantirish ko’rinishlari; reklama va savdoni rag’batlantirish xarajatlari;
  
• 
  tovar xarakatida raqobatchilar tomonidan qo’llanilgan tashish usullari, ularda omborlarning mavjudligi, saqlash shartlari, konsignatsion savdo uchun omborlardan foydalanish;
  
• 
  raqobatchi firmalarning marketing faoliyati, har bir raqobatchi firma tomonidan o’tkazilgan strategiya, ularning assortiment siyosati, yangi tovarlarni ishlab chiqish bo’yicha ilmiy-texnik faoliyati yo’nalishlari, ishlab chiqarish, texnik va savdo siyosati, savdo intensifikatsiyasi uslublari, narx siyosati va ularning xarakati tendentsiyasi, ishlab chiqarish chegirmasi darajasi va ularning pasayish yo’llari;
  
• 
  raqobatchi firmalar tomonidan savdo faoliyatining tashkil etilishi; shaxsiy savdo tarmog’ining mavjudligi, savdo vositachilari xizmatlaridan foydalanish, savdo apparatlari uchun xarajatlar;
  
• 
  raqobatchilar tomonidan qo’llaniladigan raqobat kurashi uslublari; raqobatdosh kompaniyaga qarshi qo’llash mumkin bo’lgan samarali vositalar;
  
• 
  har bir raqobatchi kompaniyaning moliyaviy holati va uning bozordagi o’z o’rnini himoya qilish va mustahkamlash qobiliyati; raqobatchi firmaning to’lov qobiliyati va uning quvvatni kengaytirish hamda yangi ishlab chiqarishni tashkil qilish qobiliyati;
  
• 
  tadqiq qilinayotgan davr va aniq sanada raqobatchi firmalar faoliyatining miqdoriy ko’rsatkichlari; chiqarilayotgan mahsulot hajmi, kapital qo’yilmalar, NIOKR xarajatlari, ishlab chiqarish va daromad chegirmalari hamda firmaning yillik hisobotidagi boshqa xarajatlar.
  
• 
  raqobatchi firmalarda patent va litsenziyalar mavjudligi, litsenziyalar bo’yicha to’lovlarning tushishi;
  
• 
  raqobatchilar tomonidan amalga oshirilgan bitimlarning tijorat shartlari, narxlar, taklif etilgan kredit va imtiyozlar, narxlardan chegirmalar, etkazib berish muddati;
  
• 
  raqobatdosh mahsulot chiqarish bo’yicha ishlab chiqarish quvvati ortishi darajasi; buyurtmalar portfeli va yangi buyurtmalar tushishi dinamikasi;
  
• 
  Ilmiy-texnik salohiyat, raqobatchi firmalarning ishlab chiqarish doirasidagi yutuqlari, iste’mol talabiga ta’sir ko’rsatishi mumkin bo’lgan mahsulotdan foydalanish.