Xalqaro tijorat ishi

Radio reklamasi. Bu reklama dunyoning barcha mamlakatlarida qo‘llaniladi. Radioto‘lqinlar davlat tasarrufida bo‘lgan mamlakatlarda radioda tijorat reklamasini berish ta‘qiqlanadi. Bular Skandinaviya mamlakatlari (Shvetsiya, Norvegiya, Finlandiya), shuningdek, Frantsiya, Belgiya, Daniya, Shvetsariya mamlakatlari. Angliya va Germaniyada radioda reklama berish unchalik ahamiyatga ega emas, bu mamlakatlarda radioda reklama berish davlat tomonidan chegeralanadi. Bu gaplar Hindiston va Indoneziya mamlakatlariga ham tegishli, chunki bu mamlakatlarda ham radio davlat qo‘lidadir. Radio reklamasi asosan, AQSH, Yaponiya va Italiyada keng rivojlangan. Lotin Amerikasi, shuningdek Gretsiya mamlakatlarida ham bu soha etarlicha keng rivojlangan. Radioreklama asosan, omi odamlari ko’p mamlakatlarda yaxshi natija berishi kuzatilgan. Bundan tashqari, ular mahalliy kompaniyalar emas, xorijiy kompaniyalar orqali uyushtiriladi.
Radio reklamasining sezilarli pasayishiga qaramasdan, u ham reklamaning samarali vositalarining biri hisoblanadi va o‘zining bir qancha afzalliklariga ega. Bu afzallik radiopriemniklarning keng tarqalganligi va ularning arzonligi bilan bog‘liq. Radioreklama tejamli va oddiydir. Uni tayyorlash va eferga uzatish ham televidenie reklamasi kabi unchalik qiyin emas.
Tijorat radioreklamasi turlariga quyidagilar kiradi:
Reklama e'lonlari qisqa reklama matnlari ko’rinishida bo’lib, axborot xarakteriga ega. Ular ko‘pincha musiqa ostida beriladi.
Mustaqil reklama dasturlari musiqa ostida berilib, zukkolik bilan tayyorlangan ko‘ngilochar ob‘ektiv axborotlardir. Ba‘zan ular dialog, reportaj, intervyu, qo‘shiq tarzida bo‘lib reklama qilinayotgan narsaning mohiyatini ochib beradi. Bunday dastur tovarlarning yangi turlari, afzalligi va foydaliligini reklama qiladi.
Moliyalashtirilgan dasturlar xuddi televidinie kabi firmalar tomonidan tayyorlanadi va eshittirishning o‘rtasida reklama matni beriladi. Odatda bunday dasturlar iste’mol tovarlari - kosmetika, attorlik buyumlari, yuvish vositalarini chiqaruvchi firmalar tomonidan beriladi. Moliyalashtirilgan dasturlar sifatida mashhur artistlar ishtirokidagi orkestr va xor ijrochilarining kontsertlari tanlanadi. Eshittirish oxiri va boshida «tinglovchilarga ushbu dasturni sovg‘a qilgan» firmaning nomi eslatiladi.