Xalqaro tijorat ishi

Televidenie reklamasi zamonaviy vositalar ichida alohida ahamiyatga ega. U asosan xorijiy mamlakatlarda 50-yillardan keyin rivojlana boshladi va 10 yil ichidayoq boshqa reklama vositalari ichida mustahkam o‘rin egalladi. Televizion reklama reklama vositalarining boshqa ko‘rinishlariga nisbatan qimmatroqdir: amerika televideniesidagi 30 sekundlik reklama o‘rtacha 100 ming dollar turadi. Reklamaning bu turi asosan, AQSH, Angliya va Yaponiyada keng rivojlangan. Ko‘pgina rivojlangan mamlakatlarning televidenie reklamasiga ketgan xarajatlari butun xarajatlar umumiy summasining 10% ini tashkil qiladi va u boshqa reklama vositalari ichida uchinchi o‘rinni egallaydi.
Ayrim mamlakatlarda teletomoshabinlar turli manfaatlarini hisobga olgan ko‘p kanalli dasturlarga ega kabel televideniesi keng rivojlangan.
Televidenieda beriladigan reklama turlari juda xilma xil. Ulardan eng keng tarqalganlari quyidagilar:
Reklama e'lonlari. Asosan, ko’rsatuvlar boshlanishidan oldin 10 sekund davomida beriladigan qisqa ma‘lumotlardir. Bu dasturlarda tomoshabinni yangi tovarlar bilan tanishtiradilar, unga tovar haqida qisqa ma‘lumot beradilar, uni sotish joyi va qo‘llanilish uslubi haqida tushuntirish beradilar.
Tijorat reklama ko'rsatuvlari. Ular odatda, ko’rsatuvlar o’rtasida yoki ularning orasida beriladi. Ular ko’pincha kinofilmlar namoyishi va kontsert dasturlariga kiritiladi. Reklama xabarlari sketch, qisqa o’tkir syujetli jalb qiluvchi sahna ko’rinishlari va original vaziyatlar ko’rinishida bo‘lib, 2-3 minut namoyish etiladi.
Moliyalashtirilgan ko'rsatuvlar asosan, AQSH va Yaponiyada keng tarqalgan. Bunday ko‘rsatuvlarda asosiy markaz bu dasturning ta‘minlanganligiga qaratiladi. Bu dastur tomoshabinlarning ko‘pchiligini mashhur qo‘shiqchilarni taklif etish qimmat spektakllarni ko‘rsatish orqali jalb etiladi. Bunday ko‘rsatuvlarda tomoshalarning o‘rtasida xarakat to‘xtatiladi-da, ko‘rsatuvni moliyalashtirayotgan firma ma‘lum tovarning «ilg‘or» sifati haqida reklama beriladi. Dastur so‘ngida firmaning nomi e‘lon qilinadi.
Reklama reportajlari. Ular univermaglardan, korxona yoki modellar uylaridan, namoyish zallaridan, u yoki bu tovarni ko‘rsatish maqsadida xaridorlarga taklif etilgan ko‘rgazmalardan uyushtiriladi. Bunday ko‘rsatuvlarda odatda, tovarlarning doimiy xaridorlaridan reklama qilinayotgan tovar haqida fikrlar bildirilgan alohida suxbat shaklidagi intervyular ham olinadi.
Diapozitivlar yoki diapozitiv filmlar. Ular odatda pauza vaqtida 5-10 sekund davomida diktor tomonidan o‘qiladigan 10-15 so‘zli reklama hisoblanadi. Diafilmlarning afzalligi shundaki, ular juda arzon va tez bajariladi. Diafilmlar yordamida tayyor mahsulotlarni, poyafzal, kiyim- kechak va boshqa tovarlarning yangi modellarini reklama qilish mumkin. Diapozitiv filmlarda odatda, reklama qilinayotgan tovarning grafik ko‘rinishi, narxini, ishlab chiqarilgan firma nomi, tovarni sotib olish mumkin bo‘lgan magazin manzili aytib o‘tiladi. Diafilmlar namoyishi musiqa bilan namoyish etiladi.