Xalqaro huquq

Ikkinchisi: Pudratchi ma’lum huquqlarga ega bo’lishi kerak va o’zinining mulki bilan mustaqil javob bera oladigan va tegishli davlat organi tomonidan berilgan litsenziya yoki sertifikatga ega bo’lishi kerakligidir. Lekin qurilish sohasining ayrim turlarida litsenziya talab qilinmaydi.

Uchinchidan: Buyurtmachi tomonidan pudratchiga ishni bajarish uchun zarur shart-sharoitlarni yaratish bo'yicha qo'shimcha majburiyatlar mavjud bo’ladi²⁸. Buyurtmachi qurilish uchun yer uchastkasini qurilish pudrati shartnomasida koʻrsatilgan kattalikda va holatda oʻz vaqtida berishi shart. Shartnomada bular koʻrsatilgan boʻlmasa, yer uchastkasining maydoni va holati ishning oʻz vaqtida boshlanishi, normal olib borilishi va muddatida tugallanishini taʼminlashi shart²⁹, shuningdek buyurtmachi qurilish pudrati shartnomasida nazarda tutilgan hollarda va tartibda pudratchiga ishlarni bajarish uchun zarur boʻlgan bino va inshootlarni foydalanishga berishi, uning manziliga yuklarning tashib berilishini, vaqtinchalik elektr taʼminoti tarmoqlari, suv va bugʻ quvurlari oʻtkazilishini taʼminlashi va boshqa xizmatlar koʻrsatishi shart.³⁰