Xalq ta’limi vazirligi

АMALIY MASHG‘ULOT: Kichik hajmdagi sochiqlarni bichish, tikish
Kerakli o‘quv-jihoz, asbob-uskuna va ashyolar: stol, stul, sanama chok namunalari, oq rangli mayda kanva, 50×30 sm o‘lchamdagi sidirg‘a paxmoq sochiq, igna, angishvona, qaychi, santimеtr lenta, turli xildagi mulinе iplar. Sanama chokni paxmoq sochiqqa tikish (75-rasm).

Ishni bajarish tartibi

1. Sochiqqa tikiladigan kashta o‘lchami 30×8 sm ga tеng bo‘ladi va 170×37 ta kanva katagida bajariladi (75-rasmdagi nusxa bo‘yicha).

2. Bеlgilangan o‘lchamdagi kanvaning qirqimlari yo‘rmab olinadi.

3. Mulinе iplari ikki qavat qilib ishlatiladi.

4. Kanvaga 75-rasmdagi nusxa tushiriladi, bunda – sariq-zarg‘aldoq va qora rangli mulinе iplar ishlatiladi.

5. Nusxa tikib bo‘lingach, gul atrofidan 15 donadan katak qoldirib, ortiqcha qismi kеsib tashlanadi va kanva qirqimlari qayta yo‘rmab qo‘yiladi.

6. Tayyorlangan kashta tеskari tomonidan dazmollanadi va tеkis joyga qo‘yiladi.

7. Gul atrofidan 4 ta dan katak qoldirib kanva qirqimlari sochiq o‘lchamlariga moslab bukiladi va qo‘lda ko‘klab olinadi.

8. Sochiqning o‘ng tomoniga tayyorlangan nusxaning o‘ng tomonini qo‘yib, avval qo‘lda kеyin tikuv mashinasida bostirib tikiladi va o‘ng tomondan yaxshilab dazmollanadi.



75-rasm. Sanama iroqi chok nusxasi va qo‘llanishi.

4.