Xalq ta’limi vazirligi Respublika ta’lim markazi umumta'lim maktablarining

24-mavzu: Jannat onalar oyog`i ostidadir ( 8 mart - Xotin-qizlar bayrami munosabati bilan)

Kun shiori: “Dunyodagi jamiki go`zalliklar va ezguliklar sizga aziz Onajonlar”

Maqsad: O`quvchilarda vatanparvarlikni singdirish, dunyodagi eng aziz zot onalarga bo`lgan mehribon va jonkuyarlikni rivojlantirish.

Natija: O`quvchilarning erkin fikrlashi, tassurotlari va olgan xulosasi.

Foydalanadigan ko`rgazmali qurollar: O`zbekiston Respublikasi Prezidenti Islom Karimovning: “Yuksak ma`naviyat-yengilmas kuch”, “O`zbekiston mustaqillikka erishish ostonasida”, “O`zbekiston buyuk kelajak sari”, Buyuk Turon amiri yoxud aql va qilich, O`zbekiston Respublikasi Konstitutsiyasi,Ma’naviyat qalbim quyoshi, Ma’naviyat yulduzlari,Abdulla Oripov Adolat ko`zgusi, Pedagogika, shiorlar, plakatlar, devoriy gazetalar, slaydlar, tarqatma materiallar.

Doskada: “Onajon, menga suyan, menga ishon,kerak bo`lsa jonim fido Sizga!”

O`qituvchi:

Ona! Onajon- mehri ummondan buyuk zot. Olloh onani shunday mehribon qilib yaratdiki, hech kim farzandga onadek mehribonlik qila olmaydi. Ayting, bu dunyoda hech bir zot o`zini onasiz his eta olmaydi. Buyuk zotlarni dunyoga keltirib, ularga uzoq-umr tilab, erta-yu kech duo qilib o`tirgan munis onajonlardir.

Ona haqida she’r yozmagan shoir, asar bitmagan yozuvchi, qo`shiq kuylamagan birorta hofiz bo`lmasa kerak. Hatto, Vatanni Onaga, Onani Vatanga qiyoslashadi. Darhaqiqat, inson ona vujudida paydo bo`lib, Vatanda kamol topadi. Payg`ambarimiz hadislarida ham, “Jannat onalar oyog`i ostidadir” deb aytadilar.

Namozi bomdoddan keyin volidangni ziyorat qil va xizmatida bo`l deydilar- Muhammad Siddiq Rushdiy.

Onam deganimda oqsoch jafokash

Munis va mehribon chehrang namoyon.

Sen axir bag`ringda parvarish qilib,

Ko`zimga baxsh etding, ko`zgudek jahon.

G`afur G`ulom

Oh mening ortimdan ovvora onam,

Bir parcha yuragi ming pora onam.

Har baloni ko`rib yorug` dunyoda,

Toshkanni ko`rmagan bechora onam.

Bolang bo`lib bir bor boshlab keldimmi,

Endi men ham senga o`g`il bo`ldimmi?

Muhammad Yusuf

Ko`rdim dunyo yetti mo`jizasini,

Topmadim qalampirmunchoq isini.

Ko`zlarimga suray bosgan izini,

Jannat bog`laridan nishonam, onam!

Iqbol Mirzo