Xalq ta’limi tizimida kadrlarga oid ish yuritish bo‘yicha namunaviy yo‘riqnoma 1-bob. Umumiy qoidalar

4-bob. Ta’tillarni rasmiylashtirish  

52. Barcha  xodimlarga,  shu  jumladan  o‘rindoshlik  asosida  ishlayotgan  xodimlarga 

(soatbay asosida ishlaydigan o‘qituvchilar bundan mustasno), dam olish va ish qobiliyatini tiklash 

uchun ish joyi (lavozimi) va o‘rtacha ish haqi saqlangan holda yillik mehnat ta’tillari beriladi. 

53. Xodimlarga  o‘n  besh  ish  kunidan  kam  bo‘lmagan  muddat  bilan  yillik  asosiy  ta’til 

beriladi. 

Yillik ta’tilning umumiy muddatini hisoblab chiqarishda qo‘shimcha ta’tillar yillik asosiy 

ta’tilga (shu jumladan uzaytirilgan ta’tilga ham) qo‘shib jamlanadi. 

Barcha hollarda qonun hujjatlari bilan belgilangan ta’tillarni jamlashda ularning umumiy 

muddati qirq sakkiz ish kunidan oshib ketishi mumkin emas. 

54. Ta’tillar muddatini ishlangan vaqtga mutanosib ravishda hisoblab chiqarishda, ularning 

muddati  har  bir  to‘liq  ta’til  miqdorini  o‘n  ikkiga  bo‘lib,  so‘ng  to‘liq  ishlangan  oylar  soniga 

ko‘paytirish yo‘li bilan aniqlanadi. Bunda o‘n besh kalendar kunga teng va undan ko‘p bo‘lgan 

kunlar bir oy deb yaxlitlanadi, o‘n besh kalendar kundan kami esa chiqarib tashlanadi. 

55. Yillik asosiy ta’til birinchi ish yili uchun olti oy ishlangandan keyin beriladi. Ish yili 

mehnat shartnomasiga binoan ish boshlangan kundan e’tiboran hisoblanadi. 

---

Mehnat  kodeksining  143-moddasi  talablariga  ko‘ra  ta’til  ayrim  xodimlarga  ularning 

xohishi bo‘yicha olti oy o‘tmasdan oldin beriladi. 

56. Ta’til har yili, shu ta’til berilayotgan ish yili tugagunga qadar berilishi lozim. 

Ishlab  chiqarish  tusidagi  sabablarga  ko‘ra  joriy  yilda  ta’tilni  to‘liq  berish  imkoni 

bo‘lmagan alohida hollarda, xodimning roziligi bilan ta’tilning o‘n ikki ish kunidan ortiq bo‘lgan 

qismi keyingi ish yiliga ko‘chirilishi mumkin, shu yili undan albatta foydalanishi lozim. 

O‘n sakkiz yoshga to‘lmagan xodimlarga yillik ta’tilni, shuningdek Mehnat kodeksining 

137-moddasida ko‘rsatilgan yillik qo‘shimcha ta’tillarni bermaslik taqiqlanadi. 

57. Xodimlarga mehnat qonunchiligiga muvofiq ijtimoiy va ish haqi saqlanmagan holda 

ta’tillar beriladi. 

58. Ta’tillarni rasmiylashtirish uchun zarur bo‘lgan hujjatlar: 

ta’tillar jadvali;  

ta’til berish to‘g‘risida xabarnoma; 

xodimning arizasi;  

ta’til berish to‘g‘risidagi buyruq; 

shaxsiy varaqa; 

ish vaqtini hisobga olish tabeli. 

59. Yillik  asosiy  ta’til  ikkinchi  va  undan  keyingi  ish  yillari  uchun  Yo‘riqnomaning