Xalq hunarmandchiligi va amaliy san’AT

V. Oilaviy tadbirkorlikni hamda hunarmandchilik faoliyatini qo‘llab-quvvatlash
Oldingi tahrirga qarang.
15. Oilaviy tadbirkorlikni hamda hunarmandchilik faoliyatini rivojlantirishni muvofiqlashtirish va qo‘llab-quvvatlash mahalliy davlat hokimiyati organlari, O‘zbekiston Respublikasi Bandlik va mehnat munosabatlari vazirligi tomonidan Savdo-sanoat palatasi hamda tijorat banklari bilan birgalikda quyidagi yo‘nalishlarda tizimli chora-tadbirlarni bajarish yo‘li bilan amalga oshiriladi:
(15-bandning birinchi xatboshisi O‘zbekiston Respublikasi Vazirlar Mahkamasining 2017 yil 8 sentyabrdagi 703-sonli qarori tahririda — O‘R QHT, 2017 y., 37-son, 990-modda)
ustaxonalar uchun xonalarni ijaraga berish, maxsus joylarni ajratish va obod qilish, hunarmandlar ishlab chiqargan buyumlar va tovarlarni sotish uchun ixtisoslashtirilgan do‘konlar va shoxobchalarni tashkil etish;
hunarmandchilik sub’ektlarini mahalliy xom ashyo, materiallar, asboblar va kichik mexanizatsiya vositalari bilan ta’minlashda, hunarmandchilik buyumlari ko‘rgazmalarini o‘tkazishda, yoshlarni hunarmandchilik ko‘nikmalariga o‘qitish uchun zarur shart-sharoitlar yaratishda amaliy yordam ko‘rsatish;
ustachilikni o‘rganayotgan shogirdlarga Bandlikka ko‘maklashish davlat jamg‘armasi mablag‘laridan qonun hujjatlarida belgilangan shakl va tartib bo‘yicha «Usto-shogird» stipendiyasi to‘lash;
oilaviy tadbirkorlik va hunarmandchilik sub’ektlariga qonun hujjatlarida belgilangan tartibda imtiyozli mikrokreditlar ajratish.