Xalilova nasiba rustamovnaning

Men bu bilan nima demoqchiman , Xudo rahmati ana shunday o`ta ziyrak , topqir , kuzatuvchan inson edi.
1- Boshlovchi: - Muhammad Yusuf . Shunday go`zal insoniy fazilatlari bilan zamondoshlari , ustozlari , do`stlari , yaqinlari , farzandlari xotirasida gavdalanadi , millionlab muxlislarining qalbida esa she’riy misralari qo`shiq bo`lib yangrayveradi .
(Muhammad Yusuf qalamiga mansub ,,Qizg`aldoq’’ qo`shigi yangraydi. Qo`llariga lolaqizg`aldoqlar , guldastalar , shoir surati solib tikilgan kashtalar ko`targan o`quvchilar sahnaga chiqib , shoir portreti oldiga guldastalar qo`yadilar . Muhammad Yusuf xotirasiga atab yozilgan zamondosh shoirlar she’rlaridan , o`z ijodlaridan namunalar o`qiydilar )
1-O`quvchi: -
Kelding-u dunyoga lov etib yonding,
Huzur- halovatdan mutlaqo tonding ,
Vatan deb har sahar erta uyg`onding,
Lekin bevaqt ketding , Muhammad Yusuf…
2- O`quvchi:-
Dil yoqqan she’rlaring jo`shib kuyladi ,
Muhabbat , mehrlar qo`shib kuyladi ,
Osmondan zaminga tushib kuyladi,
Lekin bevaqt ketding , Muhammad Yusuf. *G. Toshpo`latov
2-Boshlovchi:-
Ol , deya bir kun Egam , osmonga uchsa ruhlarim ,
Bir ajib moviy diyor bo`ynini quchsa ruhlarim ,
Ko`k mening ko`ksim bo`lur, yulduzlari anduhlarim ,
Gul o`pib , gul yopinib har dilda mozorim qolur ,
Men ketarman bir kuni, navolarim, zorim qolur…
M.Yusuf
1- Boshlovchi:--- Muhammad Yusuf qisqa umr ko`rgan bo`lsa-da ,undan ulkan ijodiy meros qoldi .Shoirning o`nga yaqin she’riy to`plamlariga jamlangan she’rlari bugun keng kitobxonlar qalbida ,,navo’’ bo`lib yangramoqda. Shoir she’rlari qaysi mavzuda yozilmasin , kishi hayotiga insoniy mazmun baxsh etadigan inja tuyg`ular , avvalo, mehr va muhabbatni tarannum etadi . Ayniqsa, ona yurtdan tuygan mehri xuddi singilning , onaning mehridek iliq , u bir aka bo`lib ,bir o`g`il bo`lib bu mehrga javob berdi.