Xalilova nasiba rustamovnaning

Abdulla Oripov siymosidagi o`quvchi: ---
…Men Muhammadjon bilan uzoq yillar mobaynida yonma- yon yashadim , yonma- yon ishladim. Hali yoshlik yillaridanoq bunchalik muxlis orttirgan , do`st-og`aynisi bisyor ijodkorni kam ko`rganman. San’atkorlar-ku, uning har bir misrasini sozga solishga tayyor edilar. Bularning sababi nimada? Birinchi navbatda Muhammadjon yaxshi inson edi. Yaxshi insonlarga boshqalar hamisha talpinadilar. Odamdan odam uzoqlashishini Xudoyim hech kimga ko`rsatmasin.
U obro` talashmas , izzatini so`roqlab yugurib yurishni or qilardi. Xuddi shunday insongina yaxshi ijodkor bo`lishi tabiiy va qonuniydir. Shu kabi yuksak fazilatlari tufayli Muhammad Yusufni xalqimiz ardoqladi. Uning xizmatlarini davlatimiz munosib baholadi.
Muhammad Yusuf qisqa umr kechirdi. Undan chinakam betakror ijodiy meros qoldi. Haqiqiy ma’nodagi barhayotlik , zavol bilmaslik MuhammadYusuf ijodiga taalluqli desam , inshoolloh , xato qilmagaydurman.
Joying jannatda bo`lsin , ukajonim!
G`iyos Boytayev siymosidagi o`quvchi: -
Sakson foiz qo`shiqlarimning muallifi Muhammad Yuauf edi. ,,Muhabbat yo`q ekan dunyoda…’’ degan qo`shig`imdan boshlab u kishi bilan hamkorlik qilganmiz..Aka- ukadek qadrdon edik. ,, Onam yig`lar…’’ qo`shig`ining musiqasini yaratishda ham, qanday qilib aytishimgacha o`zi ustida turgan edi.Uning yozganlari ko`pincha mening ovozimga mos kelardi. She’rlari xalqona edi , ohangini o`zi bilan yozardi.
Ko`pincha ,u o`zi menga she’rlar ilinardi , gohida men Muhammad akani tinch qo`ymasdim, shunday she’r yozib bering deb mavzuni aytardim.
Shunday odam o`tib ketganiga ishonmayman. Xuddi tushday , uyg`onsam , Muhammad akani ko`radigandayman , karaxtman.
Ilohim qabri nurga to`lsin shoirning

Muhriddin Xoliqov siymosidagi o`quvchi: -
Muhammad Yusuf o`z ishining ustasi edi. Mening ijodimda xizmatlari beqiyos . ,,Qizg`aldoq’’ she’rining yozilish tarixi qiziq bo`lgan . O`shanda shoir bilan toqqa dam olishga chiqqandik . Hammamiz o`zimiz bilan bandmiz . Bir mahal Muhammad aka bir o`zlari chetda xayolga berilib o`tiribdilar . Yonlariga borib : ,,Ha , aka, nimalarni o`ylayapsiz ? ’’ deb so`radim.
U : ,,Muhriddin , qara , anovi qizg`aldoq menga tinchlik bermayapti .O`pay desam peshonasi yo`q , uzay desam to`kilib ketadi. Bir she’r yozsam , qo`shiq qilasanmi ? ‘’ dedilar. Keyinroq hammaga mashhur ,, Qizg`aldoq ‘’ qo`shig`I yaratildi .