Xalilova nasiba rustamovnaning

Dostonlari: ,,Osmonning oxiri’’, ,,Qora quyosh’’.
Muhammad Yusufga ,,Uyqudagi qiz’’ nomli she’riy to`plami uchun Respublika Yoshlar mukofoti, 1998- yilda yuksak ijodiy yutuqlari uchun ,,O`zbekiston xalq shoiri ‘’ unvoni berildi.
Muhammad Yusuf 2001-yilning 31- avgustida Qoraqalpog`istonning Ellikqal’a tumanida ijodiy safar chog`ida yuzlab muxlislari qarshisida she’r o`qiyotgan paytda yurak xurujidan vafot etdi. Xuddi Boburdek, Shavkat Rahmondek Muhammad Yusuf ham bor-yo`g`I 47 yil umr ko`rdi. Biroq bu umr bir dilbar shoirning tug`ilishi, kamol topishi,o`zini voyaga yetkazgan yurt va millatga samimiy va ixlos ila xizmat qilib, ortidan yaxshi nom qoldirishi uchun kifoya qildi.
O`zi o`lsa o`lar,
So`zi o`lmaydi,
Hamisha barhayot nasl-shoirlar.
Haqiqiy shoirning qabri bo`lmaydi-
Yurakka ko`milar asl shoirlar…
2-Boshlovchi:
…Yuraklarda yurmagini
Oh, oldindan bilgan qush.
Har o`zbekning yuragini
O`ziniki qilgan qush…
1-Boshlovchi:-Muhammad Yusufning bevaqt hayotdan ko`z yumushi milliy adabiyotimiz va madaniyatimiz uchun juda katta yo`qotish bo`ldi.
2-Boshlovchi: -Muhammad Yusuf zamondoshlari: shoirtlar, olimlar, san’atkorlar xotirasida abadiy yashaydi.
(Sahnaga 6 nafar o`quvchi chiqadi, o`quvchilar shoir zamondoshlari siymosida Muhammad Yusufni xotirlaydilar )
Ozod Sharafiddinov siymosidagi o`quvchi:
Muhammad Yusuf degan shoir she’riyatga qanday kirib kelganini adabiyotimiz sezmay ham qoldi. Ammo u tezda hammani hayron qoldirib, og`izga tushib ketdi. Uning ijodi haqida gap ketganda, kopincha qo`shiqlarini tilga oladilar.
Muhammad Yusuf qo`shiqlari bilan emas, xalq dardini baralla aytgan, yurt muhabbatini hech kimga o`xshamagan misralarda ta’riflagan she’rlari bilan tanildi, shuhrat qozondi.
Odamlar uning she’rlarini hayajonsiz o`qimaydigan, kitoblarini do`konlardan qidirib yuradigan bo`ldilar.
Muhammadjon kamdan-kam tug`iladigan iste’dod egasi bo`lish bilan birga, kamdan-kam shoirda uchraydigan xislat egasi-shuhratdan qochadigan kamsuqum inson edi. U shuhratning emas, shuhrat uning ortidan quvib yurardi.
Muhammad Yusuf baxtli, omadli shoir. Unga mustaqil yurtini, ozod xalqini ko`rish nasib etdi. Yurtining eng ulug` bayramlarida uning qo`shiqlari baralla yangraydigan bo`ldi. O`zbekiston haqidagi she’rini yoshlar hatto o`z madhiyalariga aylantirib yubordilar. Shoir Muhammad Yusufga birinchi Prezidentimizning mehrlari bobomiz Ulug`bek haqidagi qo`shiqni eshitgan paytlaridayoq tushgan edi. ,,Xalq shoiri’’ unvonini ham mamnuniyat bilan o`zlari topshirgan edilar.