X. X. Kamilova, N. A. Isaxojayeva, K. R. Fuzailova kostyum kreativ grafikasi

Model qomati proporsiyasi

Odamni tasvirlash rassomning (dizaynerning) eng asosiy vazifalaridan biri. Gavdaning barcha tana qismlarini o‘zida ko‘tarib turadigan asosiy qattiq tayanchi skeletidir. Odam skeleti, asosan uch bo‘lakka boMinadi: bosh suyagi, gavda suyaklari va qo‘l-oyoq suyaklari. Gavda suyaklari umurtqadan, ko‘krak qafasidan iborat. Ko‘krak qafasi suyak-tog‘aylardan iborat harakatchan tuzilma bo‘lib, ko‘krak bo‘shlig‘ida ichki tana a’zolari joylashgan boMadi. Ko‘krak qafasi gavda umurtqalari, 12 juft qovurg'a va to‘sh suyagining birikmalaridan tuzilib, konussimon shaklga egadir. Gavda umurtqa pog‘onasini hosil qiluvchi suyaklar- umurtqalarning o‘simtalaridir. Umurtqa pog‘onasi skeletining asosiy o‘qi bo‘lib, uning ustki qismini pastki qismi bilan birlashtirib turadi, u egiluvchan toq suyak tuzilmasidan iborat. Umurtqa pog‘onasi 7ta bo‘yin, 12tako‘krak, 5ta bel, 5ta dumg‘aza va 4-5ta dum umurtqalaridan iborat boMadi va bo‘yin, ko‘krak, bel, dumg‘aza hamda dum bo‘limlariga bo‘linadi.

Umurtqa pog'onasining uzunligi butun tana uzunligining 40 foizini tashkil etadi [5].