Umumiy o'rta ta'lim sifatini oshirish: mazmun, metodologiya, baholash va ta'lim muhiti

252

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

holatini  ifodalash  deganidir.  Ba’zida  o‘qituvchining  yuz  ifodasi  va  imo-ishorasi  u 

aytmoqchi  bo‘lgan  so‘zdan  ham  kuchli  ta’sir  qiladi.  O‘quvchilar  o‘qituvchilarining 

aytmoqchi bo‘lgan so‘zlarini yuz ifodalaridan bilib oladilar. Shuning uchun o‘qituvchi 

yuz  ifodalarini  faqatgina  ta’lim-tarbiya  maqsadida  qo‘llab,  o‘z  shaxsiy  kechinmalarini 

yashira olishi lozim. Mimika asosan qosh, ko‘z va lab orqali ifodalanadi. Ana shu detallar 

orqali o‘qituvchi hayratlanish, xotirjamlik, loqaydlik, quvonchlilik, so‘zamolilik, qo‘rquv 

va  boshqa  psixologik  holatlarni  ifodalaydi.  Eng  asosiysi,  har  qanday  holatda  ham 

o‘qituvchining nazari o‘quvchilarda bo‘lishi lozim.  

Pantomimika  deb  –  gavda,  qo‘l  va  oyoq,  imo-ishora  kabi  harakatlarga  aytiladi. 

Bunda  birinchi  navbatda,  o‘qituvchi  dars  paytida  gavdani  tutish  estetikasini  bilishi  va 

salbiy odatlardan xoli bo‘lishi lozim, ya’ni: orqaga yoki oldinga chayqalish, bir oyoqdan 

ikkinchisiga  og‘irlikni  tashlash,  qo‘lda  darsga  aloqasiz  buyumlarni  o‘ynatish,  bosh 

qashlash, tomoq qirish, quloq yoki tish kovlash mumkin emas. 

Xulosa  qilib  aytganda,  boshlang‘ich  sinf  o‘qituvchisining  kasbiy  mahoratni 

egallashida  nutqning  ahamiyati  beqiyos  ekan.  O‘qituvchining  nutqi,  uning  talaffuzi, 

diksiyasi,  pantomimik  va  mimik  harakatlari  bilan  uyg‘unlashsa  hamda  chuqur  kasbiy 

bilimlar zahirasiga ega bo‘lsagina bunday o‘qituvchi mohir o‘qituvchi bo‘la oladi.