O‘zbekiston respublikasi qishloq xo‘jalik vazirligi

O‘tkazuvchanlik deb belgilangan haroratda va namuna materialining har ikkila tomonida turli bosimli sharoitda material yuzasidan mahlum bir vaqt birligida o‘tgan suv bug‘ining miqdoriga aytiladi.
Qadoqlangan mahsulotning aromatik komponentlarini qadoqlash materialining o‘tkazuvchanligi esa organoleptik yoki xromatografik usullar bilan aniqlanadi.
Qadoqlash materialining yog‘ o‘tkazuvchanligi esa berilgan haroratda va vaqt orlig‘ida namunalarga yog‘ning to‘g‘ridan to‘g‘ri kirib borishi bilan tavsiflanadi. Ko‘pgina materiallarning o‘tkazuvchanligini aniqlashda sinovdan o‘tkazilayotgan material yuzasiga 30 daqiqa davomida rangli yog‘li kompozitsiyani yoki modelli muhitni surtish orqali aniqlanadi. Ushbu vaqtda sinovdan o‘tkazilayotgan material sirtida surtilayotgan kompozitsiya yoki modelli muhitning rangli dog‘lari nomoyon bo‘lsa material sinovdan o‘tmagan deb topiladi, yoki aksincha rangli dog‘lar 30 daqiqadan so‘ng paydo bo‘lsa bunday materiallarni yog‘li mahsulotlarni qadoqlashga ruxsat etiladi.
Qadoqlash materialining asosiy fizik ko‘rsatkichlaridan biri sifanida uning issiqqa yoki sovuqqa chidamliligidir. Issiqqa chidamlilik qadoqlash materialini termik ishlov berish orqali konservalashda, hamda mahsulotni istemol qilishdan oldin qadoq idishi bilan isitish imkoniyatini bersa, sovuqqa chidamlilik esa mahsulotni uni yetarli darajada sovutib saqlash uchun zarurdir. Sintetik materiallar o‘rtasida yuqori sovuqqa chidamlilaridan poliester va poetilen hisoblansa, issiqqa chidamlilardan yuqori zichlikga ega bo‘lgan polietilen, polipropilen va poliesterdir. Bundan tashqari yuqori haroratga chidamli materiallar sifatida shisha va metall materiallari qo‘llaniladi.
Yorug‘lik va issiqlik nurlaridan himoya qiluvchi material sifatida metaldan tayyorlangan qadoq idishlari yaxshi ko‘rsatkichlarga ega bo‘lsa, boshqa materiallar bunday nurlarning birmuncha qismini o‘tkazadi.
Qadoqlash materiallarining qadoqlangan mahsulot sifatiga tahsirini aniqlash usullari material turiga qarab turlicha bo‘ladi va biz quyida ularning bir nechasini ko‘rib chiqamiz.