O‘zbekiston respublikasi oliy va o‘rta maxsus ta’lim vazirligi namangan davlat universiteti qo‘lyozma huquqida udk: 18-5A111601-02

Xulosa. 
Mamlakatimiz o’z istiqlolini qo’lga kiritgan kundan to-bugungi kungacha 
bo’lgan davrda amalga oshirilgan demokratik islohotlarni tahlil qilish jarayonida 
bir jihatga alohida urg’u berilgani ko’zga tashlanadi. Ya’ni, bularning barchasi 
inson va uning farovon hayot kechirmog’i uchun amalga oshirilayotganini anglab 
yetamiz. Albatta, biz insonparvar demokratik jamiyat qurar ekanmiz, inson, uning 
erkinligi va manfaatlari oliy qadriyat sifatida qadrlanmog’i, kelajak avlodga erkin 
va farovon xayotni yaratishdek oliy mas'uliyatni anglab yetish muhim ahamiyat 
kasb etadi.   
Ma’lumki, demokratiyani harakatlantiradigan, uni amalga oshiradigan va 
rivojlantiradigan kuch - insondir. Demokratiya faqat xalq hokimiyati bo‘lib 
qolmay, u  har bir inson, har bir jamoa va butun xalqning o’z mamlakati kelajagi, 
o’z taqdiri oldidagi mas’uliyati hamdir. Shu ma'noda demokratiya va siyosiy 
hayotni erkinlashtirish zaruratini oxlokratiyadan (oxlos – to’da, olomon), ya’ni 
turli guruhlarning siyosiy o’zboshimchaligidan, hokimiyat idoralari va jamoat 
tashkilotlariga qonunga zid ravishda tazyiq o’tkazishidan farqlash lozim. Bu, o’z 
navbatida yuksak siyosiy va huquqiy madaniyatga ega bo’lishni, hayotni 
erkinlashtirish orqali fuqarolardan o’z manfaatlarini davlat va jamiyat manfaati 
bilan uyg’unlashtirishni talab qiladi.  
Kelajak avlodlarga obod va ozod Vatanni meros qoldirishdek ezgu niyat 
yo’lida har bir fuqaroning mas’uliyati haqida fikr yuritar ekanmiz, erkinlik degan 
ne’matning qadriga yetishda, avvalo, inson omilining o’rni va mavq’eini to’g’ri 
baholay olish zarur. Ko’pgina demokratik mamlakatlarda olimlar va mutaxassislar 
insonning ma’naviy dunyosi bilan bog’liq omillarni o‘rganishga katta ahamiyat 
berishmoqda. Jumladan, olam barqarorligi va yaxlitligida iqtisodiy, siyosiy, 
texnologik, umuman, moddiy omillar bilan birga ijtimoiy jarayonlar, inson xohish-
irodasi, xatti-harakati va ongi, xayotiy faoliyati ham muhim ahamiyat kasb etishi 
alohida ta’kidlanmoqda. Erkin bozor iqtisodiyoti munosabatlariga asoslangan 
fuqarolik jamiyati qurishni maqsad qilgan mamlakatda shaxsning erkin bo’lishi 

---

eng muhim jihat hisoblanadi. Bunda shaxsning nafaqat huquqiy, ayni paytda 
siyosiy, iqtisodiy, ijtimoiy va ma’naviy jihatdan erkin bo’lishi nazarda tutiladi.  
Ayni paytda, milliy g‘oyaning amaliy tamoyillari jamiyatdagi barcha qatlam 
va ijtimoiy kuchlarning faoliyati, maqsad va intilishlariga umumiy ma'naviy 
yo‘nalish beradi, turli qatlamlarning manfaatlari va ehtiyojlariga xizmat qiladi, 
ularni amalga oshirish imkonini yaratadi. Ma’naviy shaxs, ya’ni erkin shaxsni  
shakllanishiga hizmat qiladi. 
Bu tamoyillar shaxsning erkinligi, siyosiy va huquqiy imtiyozlarini qo‘llab-
quvvatlashi, jamiyat uchun foydali ishlarda insonning faolligini oshirishi, 
umuminsoniy me'yorlarning boyitilishi, kishilarda yangicha munosabatlar qaror 
topishi uchun kurash olib borishni ham anglatadi. Bundan kuzatilgan asosiy 
maqsad demokratik o‘zgarishlar hayotimizning muhim yo‘nalishiga  aylangan 
hozirgi davrda milliy istiqlol ruhida fikrlovchi, o‘z faoliyatida bunga amal qiluvchi 
komil insonlarni voyaga yetkazishdan iborat. 
Taraqqiyotning “o’zbek modeli” o‘z-o‘zidan paydo bo‘lmadi. Mustabid 
tuzumining insoniyat uchun qanchalar darajada katta ziyon yetkazganligini anglab 
yetish zarur bo‘lgani kabi, mustaqillikning buyuk ne'mat ekanligini ijtimoiy zarurat 
sifatida his etish ham shunchalar zarur edi. Bularni anglash, yangi davr to‘g‘risida, 
milliy tiklanishning ahamiyati xususida fikr yuritish, ijtimoiy taraqqiyot, jamiyat 
xayotini erkinlashtirishning nazariy hamda amaliy jihatlarini ishlab chiqishdan 
ham murakkab vazifa yo‘q edi. Yangi, demokratik, huquqiy jamiyatning ijtimoiy 
ehtiyoj darajasida ekanligini asoslash uchun sifat jihatdan takomillashgan dastur 
zarur edi. Bunday dastur jamiyat xayotini erkinlashtirish jarayoniga yo‘l ochib 
berishi shart edi. Ushbu dastur O’zbekiston Respublikasining birinchi Prezidenti 
I.Karimovning ta’limotida o‘z aksini topdi. I.Karimovning asarlariga murojaat etar 
ekanmiz,  ularda  jamiyat  xayotini erkinlashtirishning  g‘oyaviy-mafkuraviy, 
ma'naviy-ma'rifiy, siyosiy-iqtisodiy, ijtimoiy asoslari aniq va ravshan ko‘rsatib 
berilganligini ko‘rishimiz mumkin. 
Taraqqiyotning “o’zbek modeli” da, bir tomondan milliy, boshqa tomondan 
umuminsoniy manfaatlarni himoya qilishga e’tiborning ko‘pligi O‘zbekistonning 

---

buyuk kelajagiga ishoradir. Umuman, mazkur konsepsiya iqtisodiyotda bozor 
islohotlarini chuqurlashtirish, siyosiy sohada inson huquqlari va erkinliklarini 
himoya qilish, fuqarolik jamiyatini shakllantirish, ijtimoiy sohada inson omilini 
kuchaytirish, pirovard maqsadda mustaqillikni avaylab-asrashning yo‘l-yo‘riqlarini 
ilmiy jihatdan asoslab berganligi uchun ham qadrlidir. 
Mamlakatda shaxsning har tomonlama erkin bo’lishi taraqqiyot belgisidir. 
Biroq erkinlik tushunchasini “istagan ishini qilishi mumkin” ma’nosida 
tushunmaslik kerak. Ayni shunday fikrlash oqibatida kurrai zaminning aksariyat 
mamlakatlarida “ommaviy madaniyat”, “saddizm” kabi insoniyat boshiga kulfat 
keltiruvchi illatlar paydo bo’ldi va bugungi kunga kelib ular global muammoga 
darajasiga ko’tarildi. Bu vaziyatda  erkinlikni - axloqiy mas’ullik bilan uyg’un 
holda qo’llanishigina shu kabi muammolarning yuzaga kelishini oldini olishi 
mumkin.  Mamlakatimizda  shaxs  erkinligi borasida  amalga  oshirilayotga 
islohotlarga e’tibor beradigan bo’lsak me’yor, axloqiy mas’uliyat kabi jihatlarga 
alohida e’tibor berilayotganligiga guvoh bo’lamiz. Bu hol mafkuraviy ta’ovvuzlar 
yadro hurujlaridanda havfli vositaga aylangan bir kunda fuqarolarimiz uchun 
to’g’ri yo’lni ko’rsatuvchi mayoq, hur vatanimizning buyuk kelajagini qurishda 
muhim asos bo’lib qilishiga ishonamiz.