Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

Hali to‘liq etilmagan o‘smir chekishni boshlasa:

• 
  xotirasi pasayib, parishonxotir bo‘lib qoladi;
  
• 
  alamini boshqalardan olishni boshlaydi;
  
• 
  organizmida moddalar almashinuvi buziladi;
  
• 
  organizm A, V, S guruh vitaminlarni o‘zlashtirolmaydi;
  
• 
  organizm o‘sish va rivojlanishdan orqada qoladi;
  
• 
  ko‘rish qobiliyati ham susayadi (nikotin ko‘z ichki bosimini oshirib yuboradi);
  
• 
  eshitish qobiliyati pasayadi (past chastotali tovushlarni eshitmaydi);
  
• 
  urug‘ hujaylarda o‘zgarishlar sodir bo‘ladi, jinsiy ojizlik kelib chiqadi;
  
• 
  agar kashanda 15 yoshdan chekishni boshlagan bo‘lsa, 25 yoshdan keyin kashandalikka ruju qo‘yganlarga nisbatan unda o‘pka raki (saratoni) dan ko‘z yumish “imkoniyati” besh barobar ko‘proq bo‘lishi kuzatilgan. Agar bola o‘spirinlik chog‘ida chekmasa, u umr bo‘yi chekishga qiziqmas ekan.
  

Tamaki tutuni tarkibidagi radioaktiv poloniy chekuvchining jinsiy organlarini zararlab, uning bolalarida nasl kasalliklarini yuzaga keltirishi mumkinligi ilmiy asosda isbotlangan. Bunday bolalarda, ayniqsa, aqliy faoliyatning kuchsiz rivojlanishi aniqlangan.
CHekish o‘pkada saraton kasalligining kelib chiqishiga qo‘shimcha omil bo‘ladi, o‘pka emfuzimasiga sharoit yaratib beradi. Bu kasallik zo‘riqib ketganida, o‘pka devorchalari yorilib ketishigacha borib etadi. O‘pka hajmi torayadi, kislorod va uglerod oksidlarining almashinuvi buziladi.
Kashandalarda surunkali bronxit erta rivojlanadi, nafas olish qiyinlashadi, yo‘talganda yiringli shilliq balg‘am ko‘chadi.

Nos otish va uning oqibatlari

Nos ham tamaki kabi narkotik sifatida ta’sir qilib, odamni giyohvand qilib qo‘yadi.
Nosning tarkibi. Nos tarkibiga maydalangan tamaki, so‘ndirilgan ohak, kul, elim va o‘simlik yog‘i qo‘shiladi. YAshil rang berish uchun nosga tut yoki boshqa daraxtning bargini quritib, yanchib qo‘shiladi. Nos tarkibiga qo‘shilgan o‘simlik yog‘idan boshqa barcha moddalar inson organizmi uchun zaharlidir.