Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

Alkogolizm sabab bo‘ladigan kasalliklar. Spirtli ichimliklar ichish ta’sirida markaziy va periferik nerv tizimi faoliyati buzilib, psixik
kasalliklar, nevritlar paydo bo‘ladi, ichki a’zolar funksiyasi izdan chiqadi. Birinchi navbatda, me’da shilliq pardasiga ta’sir ko‘rsatib, avvalo, surunkali gastrit, keyinchalik me’da yara kasalligini keltirib chiqaradi. Me’da yara kasalligiga duchor bo‘lgan shaxs spirtli ichimliklardan tiyilmasa, me’da shilliq pardasi hujayralarida tub sifatiy o‘zgarishlar yuz berib, oqibatda rak kasalligi boshlanadi.
Alkogolь, ayniqsa, jigarga zararli ta’sir ko‘rsatib, jigarssirrozi yuzaga keladi, me’da osti bezida o‘zgarishlar tufayli pankreatit, qandli diabet kasalligiga sabab bo‘ladi.
Alkogol yurak-tomir tizimiga salbiy ta’sir ko‘rsatib, yurak qisqarishlari ritmining buzilishiga, yurak va miya tomirlari spazmiga, stenokardiya, miokard infarkti, miya insulti kasalliklarining rivojlanishiga olib keladi.
Ichkilik ta’sirida o‘pka to‘qimasi zararlanib, bronxit, esifizema, o‘pka sklerozi rivojlanadi va ularda krupoz pnevmoniyaning og‘ir kechishi kuzatiladi.
Immunitet susayib, o‘pka sili (tuberkulyoz) va yuqumli kasalliklarga chalinish holatlari ko‘p uchraydi.
Spirtli ichimliklarni muttasil ichadiganlarda jinsiy bezlar hujayralarining alkogol ta’sirida aynishi ( buzilishi) va o‘z funksiyalarini bajara olmasligi kuzatiladi. Kuzatuvlardan ma’lumki, ichkilikbozlardan har uchinchi kishida dastlabki kezlarda jinsiy bezlarning aktivlashganligi seziladi, lekin bu vaqtinchalik holdir. CHunki buning ketidan jinsiy bezlarning ishi asta-sekin susayib, jinsiy zaiflik yuz beradi. Ko‘pchilik erkaklar bunday noxush holatdan iztirob chekib, nevroz va og‘ir ruhiy kasallikka yo‘liqadilar.
Alkogolь homiladorlik toksikozlariga, homilaning tug‘ma nuqsonlariga, homilaning tushishiga, chala va o‘lik tug‘ilishiga sabab bo‘ladi.
TAMAKI HAMDA ALKOGOLЬ ISTE’MOLI UCHUN JARIMA VA QAMOQ
Tamaki va alkogolli ichimlikning yuqoridagi kabi ayanchli oqibatlarini inobatga olgan holda, yurtimizda bu zahri qotillar iste’moliga qarshi bir qator choralar amalga oshirilmoqda. Xususan, 2015 yil 29 dekabrdagi
«O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida»gi Qonuniga asosan, O‘zbekiston Respublikasining “Ma’muriy javobgarlik to‘g‘risida”gi kodeksiga bir qator qo‘shimcha va o‘zgartishlar kiritildi. Jumladan,