Microsoft Word chingiz aytmatov sohil yoqalab chopayotgan olapar lotin ziyouz com doc

 

 

 

Vladimir Sangiga bag‘ishlanadi. 

 

Rutubatli, izg‘irinli, qop-qorong‘i tun qo‘ynida hayhotdan yastanib yotgan Oxota dengizi 

sohillarida tabiatning ikki qudratli kuchi — quruqlik bilan dengiz o‘rtasida azaliy, tinimsiz kurash 

davom etadi: quruqlik dengizning asov to‘lqinlariga to‘sqinlik qilishga intiladi, dengiz esa quruqlikka 

hujum qilishda tinim bilmaydi. 

Dengiz to‘lqinlari zulmat qo‘ynida guvillab, o‘kirib, shiddat bilan qoyalarga kelib urilib, 

parchalanib ketadi. Dengiz hamlalarini qaytaraverib tosh-metin bo‘lib ketgan qirg‘oq xo‘rsinib, uf 

tortadi. 

Olam olam bo‘lib yaralganidan buyon, tun kundan tug‘ilgan, kun tundan tug‘ilgan zamonlardan 

buyon ahvol shu — ikki qudratli kuch o‘rtasidagi olishuv davom etadi: bundan buyon ham kunu tun, 

tunu kun, toki yer bilan suv bor ekan, ular abadulabad shunday kurashaveradi. 

Kunu tun, tunu kun... Shunday kechalardan yana biri o‘tdi. Dengiz oviga jo‘nash arafasidagi kecha 

edi bu. Bola shu kecha uxlolmay chiqdi. Umrida birinchi marta uxlayolmadi, umrida birinchi marta 

tunni bedor o‘tkazdi. Qani endi, tezroq tong ota qolsa, dengizga, ovga chopqillab keta qolsa. U nerpa

1

 

terisi ustida yotarkan, ostidagi yer dengiz zarbalaridan bilinar-bilinmas titrayotganini sezar, ko‘rfazdagi 

to‘lqinlarning bir-biriga urilib, o‘kirayotganini elas-elas eshitar edi. U tun bo‘yi sergaklanib uxlay 

olmadi... 

Qadim-qadimlarda ahvol butunlay boshqacha edi. O‘sha vaqtlarni endi tasavvur qilib bo‘lmaydi, 

qadimgi o‘rdak voqeasi haqida hozir hech kim hech narsa bilmaydi, bilish uyoqda tursin, hatto bu 

                                                      

1

 Tyulenlar oilasiga mansub dengiz hayvoni. 

---

Chingiz Aytmatov. Sohil yoqalab chopayotgan olapar (qissa)