Mavzu: Ona-Vatan

Mavzu: Sog’lig'ing — boyliging ("Aqliy hujum" metodiga asoslangan muammoli dars)

Darsning maqsadi:

a) ta'limiy maqsad: o'quvchilaiga sog'likni saqlashda kun tartibiga rioya qilishning o'rni haqida ma'lumot berish;

b) tarbiyaviy maqsad: o'quvchilarda sog'lom turmush tarzi madaniyatini tarbiyalash;

d) rivojlantiruvchi maqsad: o'quvchilarning kun tartibiga rioya etish ko'nikmalarini o'stirish.

Dars uslubi: noan'anaviy dars.

Darsning jihozi: darslik, mavzuga oid rasmlar.

Dars texnologiyasi

Dars elementlari	I	II	III	IV	V	VI	VII	VIII	IX	X
Davomiyligi	1	4	5	10	5	10	3	3	2	2

Texnologik xarita

Mavzu	Sog'lig'ing - boyliging
Maqsad va vazifalar	O'qituvchi: o'quvchilarda salomatlikning ahamiyati va kun tartibiga rioya qilishning muhimligi haqidagi tushunchalarni tarkib toptirish.
Dars jarayonining borishi	Tashkiliy qism. Uy vazifasini so'rash. O'qituvchining kirish so'zi. Buni bilib oling shartli belgisi orqali berilgan matnni o'qitish va izohlash. Darslikdan Sh. Sa'dullaning "Kun tartibini qadrlamaydigan bola" she'rini o'qish va tahlil etish. Dam olish daqiqasi. Jumboqni yechish. Darsni yakunlash. Uyga vazifa berish.
O'quv jarayonini amalga oshirish texnologiyasi	Uslub: muammoli dars. Shakl: sinf-dars. Texnologik usul: o'quvchilar fikrini faollashtirish. Vosita: darslik, didaktik materiallar, Bolalar ensiklopediyasi, metodik qo'llanma, rasm. Nazorat: frontal, yakka.
Kutilayotgan natijalar	O'qituvchi: o'quvchi­larni sog'lom turmush tarziga o'rgatish.	O'quvchi: salomatlikni saqlashda kun tartibiga rioya qilishning ahamiyati haqidagi zarur tushun­chalarni bilish.
Kelgusi rejalar	O'qituvchi: o'quvchi­larda sog'lom turmush tarzi ko'nikmalarini vujudga keltirish.	O'quvchi: kun tartibiga izchil tarzda amal qilish.

Darsning borishi:

I. Darsni tashkil qilish.

II. O'tilgan mavzu Shuhratning "Barini sev" she'rini yoddan ayttirish va uning mazmunini izohlatish orqali takrorlanadi.

III. Darsning kirish qismida o'qituvchi shoir Qambar otaning "Telebola" she'rini o'qib berib, muammoli savol orqali o'quvchilarni mustaqil fikrlashga undaydi:

Telebola, telebola,

Sensan injiq fe'lli bola.

Yoqtirganing televizor

Baxsh etarmi orom, huzur.

Bo'lib asl vaqtdan judo,

Tomoshaga joning fido.

U band etib erta-yu kech,

Xayolingni qo'ymaydi tinch.

Telebola, telebola,

Tomoshaning quli bola.

O'zingda yo'q ixtiyoring,

Televizor hukmdoring.

Haq so'zim shu, kelganda payt,

Televizor yonidan, ayt,

Qachongacha jilolmaysan,

Faxr, zavqqa to'lolmaysan?

Qani ayting-chi, nima uchun shoir o'z she'rida televizorning zararli tomonlarini ko'rsatmoqchi bo'lyapti?

IV. "Buni bilib oling" shartli belgisi bilan berilgan matnni ifodali o'qish.

V. Mazkur matn yuzasidan o'quvchilar bilan suhbatlashish.

VI. Shukur Sa'dullaning "Fursat - g'animat" she'rini ifodali o'qish.

VII. She'rga ilova qilib berilgan savollar asosida suhbat o'tkazish.

VIII. O'quvchilarga darslikda berilgan maqol mazmunini izohlatish.

IX. Darsni yakunlash va o'quvchilar bilimini rag'batlantirish.

X. Uyga vazifa: Sh.Sa'dullaning "Fursat - g'animat" she'rini yod olish.