M. J. Mutalipova, B. X. Xod. Jayev qiyosiy pedagogika

Xalqaro Mehnat
tashkilotining kasbiy
ta’limni rivojlantirishga
doir faoliyati
Inson huquqlarini hurmat qilish, ularning mehnat qilish va turmush sharoitini yaxshilash, ish bilan ta’minlashni yo’lga qo’yish, mehnatkashlarnmg jamiyat talablariga mos kasb bilan ta’minlash ularning kasb mahoratlarini oshirish, iqtisodiy ahvolini yaxshilash kabi ijtimoiy adolat tamoyillarini amalga
oshiruvchi xalqaro tashkilot - XMT (Xalqaro Mehnat Tashkiloti) birinchi jahon urushidan keyinroq tashkil etilgan edi.
Uning tashkil etilishiga birinchi jahon urushi oqibatida jahonda yuzaga kelgan ijtimoiy-iqtisodiy holat sabab bo’ldi. Chunki jahonda ro’y berayotgan barcha ijtimoiy-iqtisodiy islohotlar jahon miqyosida aks etmog’i ko’zda tutilgan edi.
Oradan yigirma besh yil o’tgandan keyin XMTning Filadelfiya Konferentsiyasida uning maqsad va vazifalari kengaytirildi, jahonning rivojlangan va rivojlanayotgan davlatlari o’rtasida aholini mehnat hamda mehnatga tayyorlash bo’yicha keng hamkorlikni yo’lga qo’yish masalalari eng dolzarb masala deb qabul qilindi.
1946 yildan XMT Birlashgan Millatlar Tashkilotini birinchi ixtisoslashtirilgan muassasasiga aylantirildi. U hozir quyidagi vazifalami bajarmoqda:

1. 
   Mehnatkashlaming ish sharoitini va turmush tarzini yaxshilash, ishga joylasha olish qobiliyatini oshirish;
   
2. 
   Xalqaro mehnat normativlarini joriy etish, uni qo’llanishini nazorat qilish;
   
3. 
   Keng ko’lamda xalqaro texnik-texnologik hamkorlikni yo’lga qo’yish, bu sohada davlatlar o’rtasida faol hamkorlikni va ushbu siyosatni samarali amalga oshirishni yo’lga qo’yish;
   
4. 
   Kasbiy tayyorgarlik, hunar-texnika ta’limi, umumiy tadqiqotlar, nashr ishlari sohasida faoliyat ko’rsatish va hokazolar.
   

Bundan tashqari XMT o’zining qudratli o’quv markaziga ham ega. Bu o’quv markazi Italiyaning Turin shahrida bo’lib, yiliga unda 170 mamlakatdan 60 mingga yaqin kishilar kasbiy tayyorlash va kasbga yo’naltirish, ta’lim, tashkilotchilik kabi eng zamonaviy va dolzarb sohalarda o’qitiladi.
O’zbekiston Respublikasi XMTga 1992 yil 13 iyulda a’zo bo’lgan. Ular o’rtasidagi o’zaro munosabatlar har tomonlama rivojlanmoqda. Mazkur hamkorlik ayniqsa, O’zbekiston Respublikasi fuqarolarini ish bilan ta’minlash; mehnat taqsimoti, kasblarga o’q’tish kabi masalalarida chet ellarda malaka oshirish; aholini kam ta’minlangan qismini ijtimoiy himoya qilish; kasb ta’limini rivojlantirishda muhim aliamiyat kasb etmoqda.