G. Q. Hasanova, Z. B. Jalilov

20.2. Mutaxassislik fanlarini o‘qitishda qo‘llaniladigan ta’lim texnologiyalari
Maktabgacha ta’limda mutaxassislik fanlarini o‘qitish “Ta’lim to‘g‘risida”gi Qonun, “Kadrlar tayyorlash milliy dasturi“ talablariga ko‘ra ta’limni jadallashtirish, ta’lim – tarbiya jarayonida o‘qituvchi va o‘quvchi mavqeyini o‘zgartirish, og‘zaki va yozma tafakkurga asoslangan ta’limdan taxnik tafakkurga o‘tish, ortiqcha ruhiy va jismoniy kuch sarflamay qisqa vaqt ichida yuksak natijaga erishishga olib keluvchi ta’lim jarayoniga o‘tish bo‘lajak tarbiyachi- pedagoglarga yuksak kasbiy bilim berish bilan ular ma’naviy axloqiy
barkamolligini ilmiy dunyoqarashini rivojlantirishga ko‘maklashuvchi pedagogik tizim asosida olib borilsagina o‘z maqsadiga erishadi . V.P.Besnalkoning fikricha, pedagogik tizim bir butun o‘zaro bog‘liq yaxlit ijtimoiy-pedagogik hodisa bo‘lib : o‘quvchi (1); tarbiya maqsadi (umumiy va xususiy) (2); tarbiya mazmuni (3); o‘quv tarbiya jarayoni (4); o‘qituvchi yoki texnika vositalari (5); ta’lim- tarbiyaning tashkiliy shakllaridan (6) iborat.¹ Bu tizimni faoliyatga tadbiq etib qisqa vaqt oralig‘ida ta’lim oluvchilar faoliyatini nazorat qilish ular egallagan bilim,ko‘nikma, malakalar darajalarini baxolash,ularda kasbiy maxoratni singdirish pedagogdan katta maxorat va ilmiy-metodik saloxiyat talab etiladi. Buning uchun o‘qituvchi-tarbiyachi oldingi paragrifda ta’kidlaganimizdek o‘qitishning zamonaviy texnalogiyalarini mukammal egallashi lozim.
Hozirgi kunda xorijiy, MDH mamlakatlarida hamda
Respublikamiz ta’lim muassasalarida ko‘plab ta’lim texnalogiyalaridan foydalanishga va ularni ilmiy asoslashga intilishlar mavjud. Ayni vaqtda ta’lim muassasalarida (umumiy o‘rta, o‘rta maxsus, kasb-hunar va oliy ta’lim maktablari) da tadqiqiy-ijodiy ta’lim texnalogiyasi, ishbilarmonlik o‘yinlari texnalogiyasi, muammoli o‘qitish texnalogiyasi, individuallashtirilgan ta’lim texnalogiyasi, shaxsga yo‘naltirilgan ta’lim texnalogiyasi, modeli ta’lim texnalogiyasi, differensiyalashgan ta’lim texnalogiyasi, “Bumerang” texnalogiyasi, FSMU texnalogiyasi va masofaviy o‘qitish texnalogiyasi kabi o‘qqitish texnalogiyalarining ijodiy va samarali foydalanilmoqda. SHulardan ayrimlarining tashkiliy mazmuni ustida to‘xtalamiz.